ADVERTISEMENT

Alkatiri fó Sinál FRETILIN nia Kontribuisaun Votus iha Aprovasaun OJE Foun

Timor Post - Jeral
  • Share

DILI—Sekretáriu Jerál FRETILIN Marí Bim Amude Alkatiri fó sinál FRETILIN nia kontribuisaun votus iha aprovasaun Orsamentu Jerál Estadu (OJE) foun bainhira partidu sira asentu parlamentar liuliu bankada apoiu governu sira nakloke nafatin ba diálogu.

“Mari Alkatiri rasik hatete tiha ona ba ha’u, Mari ko’alia hakarak halo diálogu para haree hotu-hotu kontribui ba orsamentu ne’e, hadi’a orsamentu ne’e para bele hetan karik unamildade iha parlamentu,” Ramos Horta haktuir ba Jornalista sira hafoin asiste partidu neen asina akta koligasaun ba formasaun governu dasia, iha Sede Nasionál CNRT, Dili, Sábadu (22/02/2020).

ADVERTISEMENT
SCROLL FILA BA NOTISIA


Ramos Horta subliña, iha fi’ar ba koligasaun foun ne’ebé mak lidera hosi Partidu CNRT sei eziste to’o eleisaun jerál 2023.

Lee Mós :
Komunidade Suku Lour 80% Asesu Ona Enerjia Elétrika

Horta fó parabens ba Xanana, prezidente no sekretariu jerál partidu hotu ne’ebé integra koligasaun foun ne’e, sira hotu tuir mensajen ne’ebé prezidente repúblika husu atu diálogu no hotu-hotu halo hodi buka dalan nune’e bele hakotu impase polítika ne’ebé la’o naruk durante tinan rua resin ona.

“CNRT ho partidu seluk buka dalan i dalan sira hetan mak ida ne’e ho maioria iha parlamentu ho 34 kadeira i hanesan maun boot Xanana hatete servisu ho umildade para serví povu ho servisu maka’as,” Horta salienta.

Líder máximu husi partidu neen inklui CNRT, PD, KHUNTO, UDT, FM no PUDD asina ona akta koligasaun iha Sede Nasionál Partidu CNRT, Bairro dos Grilhos, Dili, iha loron Sábadu (22/02/2020).

Lee Mós :
MP com 4.800 processos novos e pendentes entre janeiro e julho

Prezidente CNRT, Kayrala Xanana Gusmão hatete, partidu neen ne’e hatudu iha ona forma ba formasaun governu foun hodi nune’e bele hakotu impase polítika atuál.

Entretantu iha loron Sesta (21/02/2020), Prezidente Repúblika Francisco Guterres Lú Olo, afirma, prontu fó apoiu ba kualkér koligasaun foun ne’ebé forma husi partidu polítiku sira atu forma Governu foun.

Lú Olo dehan, governu foun ne’ebé iha hodi hakat liu impase polítika rai-laran.

“Ha’u hanoin importante maka partidu polítiku sira buka malu ba, depois maka bele fó hatene ba Prezidente Repúblika, kona-ba Governu ida ne’ebé maka sente ba di’ak atu bele lori ita-nia rai ne’e bá-oin. Prontu, Prezidente Repúblika sempre fó apoiu nafatin, atu ita bele ultrapasa krize ida-ne’e, atu bele hadi’a fali ita-nia Governu. Ita hakarak iha governasaun ida-ne’ebé sustentável durante tinan rua ka tolu nia laran, hodi iha fali orsamentu, iha fali programa atubele hala’o dezenvolvimentu”, Lú Olo subliña.  (ato)

 823 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Alkatiri fó Sinál FRETILIN nia Kontribuisaun Vo…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No