DILI—Koligasaun foun ne’ebé harii husi partidu CNRT, PD, KHUNTO, UDT, FM ho PUDD avansa ho komprimísu ualu iha governasaun dasia.
Komprimísu ualu ne’e fó sai hafoin partidu neen lideradu CNRT ne’e asina akta koligasaun iha Sede Nasionál CNRT, iha Barro dos Grilhos, Dili, iha loron Sábadu (22/02/2020).
Komprimísu ualu ne’e mak hanesan;
- Kontinua implementa programa ne’ebé uluk VIII Governu hala’o ne’ebé bazeia ba iha Planu Estratéjiku Dezenvolvimentu (PED) 2030.
- Tau-matan ba povu sira iha área rurál hodi hadi’a sira-nia moris.
- Garante estabilidade nasionál ne’ebé hanesan fatór determinante ida ba dezenvolvimentu nasionál.
- Kontinua hala’o negosiasaun fronteira terrestre no marítima ho Indonézia atu hetan solusaun ne’ebé justa ba iha delineasaun fronteira entre Timor-Leste ho Indonézia.
- Kontinua tau-matan ba iha veteranu, idozu, defisiente no oan-ki’ak sira.
- Kontinua hadi’a infraestrutura.
- Hamutuk ho órgaun justisa sira kontinua reforma justisa hodi serbí di’akliu povu.
- Promove nafatin boa governasaun. (cao)
570 total views, 3 views today
Oinsa Ita nia Reaksaun iha Notisia Nee?
Bele hare Video Seluk :
Sorry, there was a YouTube error.