ADVERTISEMENT

PD Kondena Impedimentu sira hasoru Governu Dasia

Timor Post - Jeral
  • Share

DILI—Sekretáriu Jerál Partidu Demokrátiku (PD) António da Conceição kondena impedimentu sira hasoru governu dasia ne’ebé involve forsa polítiku sira husi partidu neen inklui CNRT, PD, KHUNTO, UDT, FM no PUDD.

António hatete, Timor Leste labele kontinua hela iha inserteja polítika naruk ne’ebé fó impaktu boot ba situasaun sosiál no ekonomia iha ne’ebé povu mak sai vítima.

ADVERTISEMENT
SCROLL FILA BA NOTISIA


“Koligasaun foun ne’ebé lidera husi CNRT ne’e atu haketak no hasees tiha eleisaun antesipada, maibé kuandu laiha tan intendimentu, iha tan impedimentu oioin, sertamente impedimentu sira ne’e mak lori ba eleisaun antesipada, la’ós koligasaun maka provoka eleisaun antesipada,” António subliña ba Jornalista sira antes hamutuk ho partidu lima seluk asina akta koligasaun ba forma governu dasia.

Lee Mós :
Prezidente Repúblika Halo Vizita Ofisiál ba Operadór Timor Telekom

Entretantu iha iha Sede Nasionál Partidu CNRT, Bairro dos Grilhos, Dili, iha loron Sábadu (22/02/2020), hafoin partidu CNRT, PD, KHUNTO, UDT, FM no PUDD asina akta koligasaun, Prezidente CNRT Kayrala Xanana Gusmão hatete, partidu neen ne’e hatudu iha ona forsa ba formasaun governu foun hodi nune’e bele hakotu impase polítika atuál.

Lee Mós :
Alkatiri fó Sinál FRETILIN nia Kontribuisaun Votus iha Aprovasaun OJE Foun

Iha sikun seluk, iha loron Sesta (21/02/2020), Prezidente Repúblika Francisco Guterres Lú Olo, afirma, prontu fó apoiu ba kualkér koligasaun foun ne’ebé forma husi partidu polítiku sira atu forma Governu foun.

Lú Olo dehan, governu foun ne’ebé iha hodi hakat liu impase polítika rai-laran.

“Ha’u hanoin importante maka partidu polítiku sira buka malu ba, depois maka bele fó hatene ba Prezidente Repúblika, kona-ba Governu ida ne’ebé maka sente ba di’ak atu bele lori ita-nia rai ne’e bá-oin. Prontu, Prezidente Repúblika sempre fó apoiu nafatin, atu ita bele ultrapasa krize ida-ne’e, atu bele hadi’a fali ita-nia Governu. Ita hakarak iha governasaun ida-ne’ebé sustentável durante tinan rua ka tolu nia laran, hodi iha fali orsamentu, iha fali programa atubele hala’o dezenvolvimentu”, Lú Olo subliña.  (cao)

 872 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PD Kondena Impedimentu sira hasoru Governu Dasia” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No