(Reportajen Estaziadu Sergio De João Batista Lelan/Asistente Editor Hermenegildo da Costa Tilman)
Dili (Timor Post)— Peskizadór hosi Universidade Monash Australia, Professor Brett Inder, lansa relatóriu peskiza kona-ba “Timor-Leste nia populasaun joven dezafiu empregu hosi “Esplozaun Juveníl”.
Nia hatete, objetivu importante husi relatóriu ne’e, foka ba iha joven Timor oan sira, tanba oinsá Governu Timor-Leste atu bele kria empregu ba iha joven sira, oportunidade atu bele aumenta sira nia kapasidade hodi bele hetan empregu liu-liu iha kampu traballu atu ita nia joven sira labele sai fuik.
Rezultadu peskiza hatudu katak joven barak depois remata sira nia estudu iha Universidade maibé laiha kampu servisu ba sira hodi halo servisu.
“Rezultadu peskiza ne’e hatudu katak joven barak depois remata sira nia estudu iha Universidade, fila fali ba foho halo to’os, husi halo to’os ne’e sira nia rendimentu ki’ik tebes tanba sira sei utiliza tradisaun agrikultura ne’ebe sei tradisionál,” nia dehan hafoin lansa relatóriu peskiza iha Salaun Timor Plaza, Kinta (28/04).
Nia hatete, relatóriu ne’e importante, tanba ne’e fó fila fali ba governu oinsá atu bele minimalista programa polítika nian hodi loke dezempregu iha rai laran ba joven sira.
“Ami agradese tebes ba Sekretariadu Estadu Formasaun Empregu (SEFOPE) ne’ebe fó ona apoiu prinsipál ba iha relatóriu ne’e, husi Diresaun Estatístika sira mós fornese dadus sira ne’ebe exelente tebes ba relatóriu ne’e, no liu-liu husi Ministru Edukasaun sira mós fornese informasaun oinsá atu prepara joven sira nia futuru”, nia dehan.
Orsamentu viajen husi Australia mai Timor-Leste hodi hala’o peskiza ida ne’e, ami hetan apoiu husi Departamentu Ministériu Negósiu Estranjeiru no Komérsiu (MNEK) Timor-Leste.
“Orsamentu ne’ebe mak ami uza durante hala’o peskiza iha Timor-Leste ho total orsamentu ne’e iha 10.000 USD, ami mós iha peskizadór nain 10 husi Timor-Leste”. (Lee Notísia seluk Iha Jornál Timor Post/Asesu You Tube Timor Post)
1,529 total views, 3 views today
Bele hare Video Seluk :