(Reportajen Jaime Pires/Editor Mateus da Cruz)
DILI (Timor Post)- Konsellu Ministru (KM), Kuarta ne’e (27/04), nomeia João Amaral sai hanesan Prezidente Konsellu Fiskál ba Empreza Públika Bee Timor-Leste (BTL) no Regina de Jesus no Acácio Pinto nu’udár vogál Konsellu Fiskál BTL, EP nian.
“Ohin iha reuniaun konsellu ministru aprova proposta hodi halo nomeiasaun ba konsellu fiskál empreza públika Bee Timor-Leste,” dehan Ministru Prezidensiál Konsellu Ministru, Fidelis Magalhaes, ba jornalista sira iha Palásiu Governu, Kuarta (27/04).
Nia dehan, Konsellu Fiskál, nu’udár órgaun fiskalizasaun BTL, EP, garante kumprimentu husi norma legál, norma estatutária no norma regulamentár sira ne’ebé aplikavel ba empreza no fiskaliza ninia jestaun finanseira no patrimoniál.
Portavós Governu ne’e subliña tan, nomeasaun ne’e propoin husi Membru Governu ne’ebé responsavel ba setór bee no saneamentu nian, Ministru Abel Pires da Silva no husi membru Governu ne’ebé responsavel iha área finansas nian, Ministru Rui Augusto Gomes.
“Proposta lei ne’e aprezenta husi Ministru Obra Públika no Ministru Finansas, hafoin aprezenta membru Konsellu Ministru sira diskute hafoin halo aprovasaun,” nia dehan.
Eis Ministru Asuntu Parlamentár deklara, hafoin halo nomeiasaun membru Konsellu Fiskal ba Empreza Públika Bee Timor-Leste (BTL) sira sei kumpre mandatu durante tinan tolu ba oin hahú husi tinan 2022 ne’e.(Lee Notísia Seluk Iha Jornál Timor Post/ Asesu You Tube Timor Post)
599 total views, 3 views today
