ADVERTISEMENT

EBC Palaban Preokupa Governu Atraza Distribui Foos

Mateus da Cruz - Dili · Nasionál
  • Share
Diretór Eskola Báziku Central (EBC) Públiku Palaban, sub-rejiaun Pante Makasar, RAEOA, Vicensio Cono.

(Reportajen Estaziadu Mariano Abi/Asistente Editor Hermenegildo da Costa Tilman)

RAEOA (Timor Post) – Maski Eskola Báziku Sentrál sira iha Rejiaun Administrativu Espesiál Oekusi Ambeno (RAEOA) hahú ativa programa merenda eskolár maibé diretór eskola balun preokupa tanba distribuisaun foos merenda sempre tarde.

ADVERTISEMENT
SCROLL FILA BA NOTISIA

Diretór Eskola Báziku Central Públiku Palaban, Sub-Rejiaun Pante Makasar, RAEOA, Vicensio Cono, informa katak, Eskola Báziku Central (EBC) públiku Palaban hahú implementa ona programa merenda eskolár ba estudante sira iha hamutuk 688 iha ano letivu 2022.

“Aplikasaun ba programa merenda eskolár iha EBC Palaban, liu-liu terseiru siklu, ami sente katak, estudante sira goja duni sira nia direitu, maski atrazu maibé implenta dunik besik ezame ne’e”, dehan Vicensio Cono ba jornalista Timor Post iha EBC públiku Palaban, Kuarta (27/04).

Lee Mós:
Dadur Na’in-13 Iha Prizaun Bekora La Vota

Nia dehan, iha Rejiaun Administrative Espesiál Oekusi Ambenu (RAEOA), problema ne’ebé sempre hasoru maka ezekutivu orsamentu atraza, Segundu falta de konxiénsia husi fornesimentu dadus husi eskola ida-idak atu hatama ba ne’ebá.

“Ami nafatin husu tuir orsamentu ne’ebe mak  aloka husi OJE kona-ba merenda eskolár ne’ebe mak hahú iha fulan liu ona maibé la realiza, maizumenus fó fali ba kofre estadu ou bele aumenta tan para estudante bele goja sira nia direitu, tanba kada estudante loron ida tenke ezekuta 25 Centavos,” nia dehan.

Se bainhira orsamentu ne’ebé mak la implementa iha tinan ida, diak liu tau ba programa seluk, para hadi’a eskola sira, hare prioridade eskola sira, eskola balun agora aat daudauk ona, bele aloka fali ba item seluk, duke fó fali ba kofre estadu,” nia rekomenda

Lee Mós:
Médiku husu Lu Olo Deskansa no Adia Vizita Manufahi-Ainaro

“Ha’u husu ba Ministériu Edukasaun atu haree didi’ak orsamentu iha programa merenda eskolár ne’e ho tinan tomak labele implementa de’it, tinan ida dala ida ou dala rua, maibé tenke tinan tomak, bazeia ba loron efetivu eskola nian tanba dala ruma atrazus ida ne’e halo ami mós la satisfás tanba osan ne’e estudante ninia direitu,””, nia hateten

Nune’e husi nia parte husu ba Governu sentrál liu-liu ba iha RAEOA, no espesialmente ba Sekretáriu Rejionál para Asuntu Edukasaun Solidariedade Social, atu labele atrazus alokasaun foos mai eskola, ne’e bele difikulta merenda eskolár ba estudante sira, tanba sira toman ona kultura ida ne’e, nia tenik.

Lee Mós:
Loron Mundial Lian Portugés, PR Horta Parabeniza Povu Portugés

“Husu ba governu, karik la aloka foos husi nasionál, bele mós aloka de’it orsamentu mai Sekretáriu Rejionál Kompetente atu bele fó sosa foos rai laran hanesan motivasaun ida ba povu bele badinas iha setór agrikultura, ne’e para produtu lokál ne’e povu kuda governu sosa, ne’e iha kontinuasaun.

Orsamentu ne’ebe maka aloka mai husi Ministériu Edukasaun ba programa Merenda Eskolár, hamutuk dolar amerikanu 4128 ba loron rua nulu resin haat (24) hodi implementa ida ne’e iha faze primeiru kada semana loron neen (6) nian. (Lee Notísia Seluk Iha Jornál Timor Post/ Asesu You Tube Timor Post)

 416 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “EBC Palaban Preokupa Governu Atraza Distribui Foos” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: