(Reportajen Estaziaidu Natalino Sequeira Ello Abani/Editor Mateus da Cruz)
Dili (Timor Post)—Hafoin Prezidente Sesante Komisaun E Asuntu Infraestrutura Parlamentu Nasionál, Abel Pires, hetan fiar hosi Primeiru Ministru, Taur Matan Ruak, hodi Assume kargu Ministru Obra Públika, nune’e knaar prezidente komisaun nian assume fali hosi Vice Prezidente Komisaun E, Francisco de Vasconcelos.
“Tuir plataforma intedimentu nia desizaun katak kompozisaun meza ba espesializada permanente sira ne’e koloka ona ba bankada sira hanesan PLP, KUNTO, ho FRETILIN, tanba ne’e mak durante assume kna’ar hanesan vise prezidente komisaun E agora assume fali knaar hanesan prezidente komisaun E hodi substitui deputadu Abel Pires nian,” dehan Francisco de Vasconcelos, iha Parlamentu Nasionál, Kuarta ne’e (27/4).
Nia hatete, maski knaar ne’e la’ós buat foun maibé komisaun E ka komisaun infraestrutura ne’e nia área kobertura ne’e boot tebes nune’e presiza servisu ho másimu liután hodi kumpre mandatu Konstituisaun Repúblika Demokrátika Timor Leste (RDTL) katak kna’ar deputadu nian maka atu halo Lei, fiskalizasaun no mós halo desizaun polítika.
“Kargu Ida ne’e la’ós buat foun maibé kna’ar ne’e define ona iha konstituisaun RDTL katak kada komisaun nia area temátika tia ona, tanba ne’e hanesan pesoál sei kontinua mandatu tinan ida resin ne’e hodi komplementa halo fiskalizasaun karik rekomendasaun ruma ba iha membru governu hodi bele tutela halo sira nia funsionamentu di’ak liután,” hakotu.(Lee Notísia Seluk Iha Jornál Timor Post/Asesu You Tube Timor Post)
1,331 total views, 6 views today
Bele hare Video Seluk :