(Reportajen Cardenio Alves/Editor Mateus da Cruz)
Dili (Timor Post)— Durante fulan ida ona mákina Raio x iha Hospital Referral Baukau avaria nune’e fó impaktu ba médiku sira hodi halo atendementu ba pasiente sira.
Diretór Ezekutivu Hospital Rejionál Baukau, Evangelino Soares, hatete, mákina Raio x avaria tanba uza kleur ona no laiha tékniku ida maka atu halo manutensaun ba mákina ne’e.
“Mákina Raio x ne’e uza kuaze tinan neen nia laran ona, tanba ne’e nia batrei ho detetór mak falla ona,” nia dehan iha Edifísiu Institutu Nasionál Saúde (INS), Komoro, Segunda, (25/04).
Nia hatete, ho mákina ne’ebé daudaun ne’e avaria, parte Hospital agora utiliza de’it Mobile Xtreme hodi atende pasiente sira hodi hein prosesu manutensaun ba mákina Raio X.
Daudaun ne’e, parte Hospital esforsu hela atu sosa ekipamentu ba mákina Raio x iha rai li’ur nune’e bele halo manutensaun.
‘Ekipamentu sira ne’e ita presiza sosa husi li’ur no mákina refere ne’e mós iha timor so iha Baukau de’it mak iha ho tipu diferente uitoan tanba ne’e ita presiza ema husi li’ur mak bele hadi’a mákina ida ne’e no espera fulan ida hanesan ne’e bele mai hadi’a ona no bele uza fila-fali hodi atende pasiente sira,” nia dehan.(Lee Notísia Seluk Iha Jornál Timor Post/Asesu You Tube Timor Post)
622 total views, 3 views today
Bele hare Video Seluk :
Subscribe to Timorpost
