ADVERTISEMENT

Governu Rai Fundu Ketak Ba Ema La’ós Veteranu  

Mateus da Cruz - Dili · Nasionál
  • Share
Ministru Asuntu Kombatente Libertasaun Nasionál, Julio Sarmento da Costa 'Meta-Malik'

(Reportajen Jaime Pires/Editor Mateus da Cruz) 

DILI (Timor Post)- Atu ema sira ne’ebé kontribui funu hosi tinan 0 to’o 7 labele sente diskriminadu, nune’e governu sei rai fundu Biliaun Ida hodi tau matan ba ema sira ne’e.

ADVERTISEMENT
SCROLL FILA BA NOTISIA

Ministru Asuntu Kombatente Libertasaun Nasionál, Julio Sarmento da Costa ‘Meta-Malik’ , dehan, fundu ida ne’e governu kria tanba  hafoin iha tinan 2022 veteranu sira 15-19 no 20-24 simu tiha osan kada fulan maibé ema sira ne’ebé luta la to’o tinan barak la hetan buat ida, ida ne’e hamosu injustisa boot.

Lee Mós:
Armanda Berta Enkoraja Feto Partisipa iha Dezenvolvimentu Ekonomia

“Tanba ne’e ohin ha’u ho Primeiru Ministru hamutuk hodi hakarak halakon injustisa, liuhusi konsellu ministru agora ne’e diskute hodi governu bele rai Biliaun Ida hodi sai hanesan Fundu ba veteranu,” nia informa iha Faról, Segunda (25/04).

Lee Notisia Relevante :Veteranu Na’in 118 Simu Ona Uma

Nia esplika, hosi Biliaun ida ne’e, ninia porsentu tolu mak banku fó ne’e bele haree fali ba veteranu 4-7 no 0-3 sira inklui sira ne’ebé mak la prenxe atu sai veteranu.

Lee Mós:
Informasaun Lolo’os husi SIJK Kona-ba Timoroan Mate iha Irlanda Norte

“Tanba ita fó de’it osan ba sira 8-14 15-19 no 20-24 de’it, maibé ita haluha katak uluk iha funu ne’e, labarik sira mós lori hahán, balun hein odamatan ema mai karik sira mak bolu uluk, no sira mak so’e fatuk ba kalén leten hodi fó sinál, ita haluha tiha sira nia kontribuisaun,” nia deklara.

Iha enkontru ho Primeiru Ministru Taur Matan Ruak, Xefe Governu konkorda ona no sei lori ba debate iha Konsellu Ministru hodi deside.

Lee Mós:
Muda Kedas Sistema Pagamentu Susbsídiu ba Ferik-Katuas

“Ho ida ne’e mak Primeiru Ministru dehan aban ka bainrua konsellu Ministru diskute kedas ida ne’e hodi tau orsamentu biliaun ida hodi sai hanesan Fundus ba veteranu,” hakotu. (Lee Notísia Seluk Iha Jornál Timor Post/Asesu You Tube Timor Post)

 132 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Rai Fundu Ketak Ba Ema La’ós Veteranu  “ A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: