ADVERTISEMENT

Hospital Referral Maubisse Iha Ona Mákina Anestezia

Mateus da Cruz - Dili · Nasionál
  • Share
Mákina Anestezia, Imajen Google

 (Reportajen Cardenio Alves/Editor Mateus da Cruz)

DILI (Timor Post)— Diretora Ezekutivu Hospital Referral Maubisse, Gabriela da Conceição Magno Pereira, informa Hospital Referral Maubisse agora daudaun iha ona mákina anestezia hodi halo atendementu ba pasiente sira.

ADVERTISEMENT
SCROLL FILA BA NOTISIA

“Durante tinan rua nia laran ona mákina anestezia la funsiona maibé grasa wa’in maromak nian, ami simu ona mákina foun no direta halo instala ba medikamentu konsumaveis sira”, nia hatete, iha nia servisu fatin INS, Komoro, Segunda, (25/04).

Lee Mós:
Governu Aprova Kriasaun Sorteiu Lotaria Vasina Kontra COVID-19

Mákina anestezia ne’e importante tebes atu bele asegura inan isin rua sira ne’ebe presiza halo atendimentu lais no fasil, hodi hamenus kustu mai iha Hospital Nasionál.

Bainhira hasoru problema ho mákina anestezia, médiku sempre haruka pasiente sira mai iha Hospital Nasionál Guido Valadares (HNGV).

Nia hatete, alende iha ona mákina anestezia, hospital mós laiha problema kona-ba stock ai-moruk tanba foin simu hosi SAMES.

Lee Mós:
Tún husi Aviaun, Xanana ba Kumpri Auto Kuarentena iha Balibar

Tuir nia, durante tinan hirak ba kotuk sira hasoru duni problema ai-moruk maibé problema ne’e tanba momentu ne’ebá Covid-19 sa’e maka’as nune’e difikulta transporte atu halo transportasaun ai-moruk.

Hospital Referral Maubisse iha rekursu sufisiente kompostu hosi  doutor Kubano espesialista na’in lima no timor oan na’in ida foin hasai kursu doutór iha Kuba ne’ebé sei ba  hamutuk ho doutór espesialista sira.

Lee Mós:
Polisia Prepara Seguransa ba Xinez Sira Aban to'o Dili

Entretantu Hospital mós iha Ambulánsia rua hodi halo atendementu ba pasiente sira ne’ebé presiza.(Lee Notísia Seluk Iha Jornál Timor Post/Asesu You Tube Timor Post)

 69 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Hospital Referral Maubisse Iha Ona Mákina Anest…” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: