ADVERTISEMENT

Xanana Kontinua Mantein Pozisaun La Responde ba Karta Marí Alkatiri

Mateus da Cruz - Dili
  • Share
Prezidente Partidu Kongresu Nasionál Rekonstrusaun Timorense (CNRT-Sigla Portugés), Kay Rala Xanana Gusmão

(Reportajen Jaime Pires/Editor Mateus da Cruz)

DILI (Timor Post)- Prezidente Partidu Kongresu Nasionál Rekonstrusaun Timorense (CNRT-Sigla Portugés), Kay Rala Xanana Gusmão, kontinua deklara ba públiku katak nia sei la responde karta hosi atuál sekretáriu Jerál  Fretilín, Marí Alkatiri no sei lakohi atu tuur hamutuk hodi ko’alia kona-ba dezenvolvimentu.

ADVERTISEMENT
SCROLL FILA BA NOTISIA


“Señór Alkatiri uluk ko’alia iha 2017, iha 2018 mós ko’alia, CNRT durante ukun tinan-10 la halo buat ida na’ok de’it mak osan mesak Korrupsaun de’it, agora nia haruka karta mai atu ba ko’alia ne’e, ha’u atu ba ko’alia saida,” Xanana dehan hafoin hatán pergunta jornalista kona-ba, Marí Alkatiri haruka ona karta ba nia hodi tuur hamutuk hodi ko’alia kona-ba dezenvolvimentu, iha Sede Kandidatu José Ramos Horta, Hudi-Laran, Kinta (21/04).

Nia rekoñese, durante tinan sanulu ukun, nia (CNRT), la halo duni buat ida ba dezenvolvimentu nasaun, tanba ne’e laiha kbiit atu ba tuur hamutuk hodi ko’alia kona-ba dezenvolvimentu.

“Tanba ne’e mak ha’u rekoñese duni ami tinan-10 la halo buat ida na’ok de’it osan, agora nia haruka karta mai atu ba tuur ko’alia kona-ba dezenvolvimentu nasionál durante tinan 20 nia ne’e, ha’u atu ba ko’alia saida,” nia deklara tan..

Lee Mós :
Ekipamentu IGE. IP La Sufisiente Responde Problema Emerjénsia iha Territoriu Tomak

Nia husu ba Sekretáriu Jerál Fretilín, Marí Alkatiri atu fó ezemplu dezenvolvimentu ida di’ak ne’e maka oinsá nune’e nia (Xanana) bele banati tuir.

“Señór Mari Alkatiri mak durante kaer RAEOA ne’e halo buat barak iha ne’ebá, entaun fó ezemplu mai atu ema halo tuir, agora haruka fali karta mai ha’u atu ba tuur ko’alia ne’e, ha’u atu ko’alia saida tanba ha’u la halo buat ida no esperiénsia mós laiha liu”, nia hakotu.

Entretantu,  iha loron 16 Abríl 2022, Sekretáriu Jerál Fretilín, Marí Alkatiri manda karta ba lider nasionál sira hodi hamutuk hodi halo reflesaun ba dezenvolvimentu hosi tinan 2002 to’o 2022.

Marí Alkatiri dirije karta ne’e ba lider nasionál sira hanesan Taur Matan Ruak, Tenente Jenerál Reformadu, Lere Anan Timur, Eis Primeiru Ministru Kay Rala Xanana Gusmão, Francisco Guterres Lú Olo José Ramos Horta no lideransa seluk tan.

Lee Mós :
Don Virgílio Kardinál Foun Husi Kardinál Eleitu 21

Iha karta ne’e , Mari Alkatiri hatete, “Ita mós hatene katak durante tinan rua nulu nia laran, ita ida-idak, ativa ka pasivamente, simu pedidu atu kontribui iha konstrusaun Estadu no iha prosesu dezenvolvimentu polítiku, sosiál, ekonómiku no finanseiru, no mós ba oinsá ita hatuur kuadru jurídiku- institusionál ba Estadu Direitu Demokrátiku no mós iha planeamentu no programasaun ba governasaun Pas nian”.

Mari hatete, ho hanoin kle’an kona-ba situasaun preokupante ne’ebé sosiedade moris ohin loron no ho konxiénsia tomak katak iha duni nesesidade atu haree fila fali oinsá serbí di’ak liu povu tomak.

Mari Alkatiri sente obrigadu atu defende katak too ona tempu atu tuur hamutuk hodi halo reflesaun kle’an kona-ba prosesu konstrusaun Estadu Timor-Leste durante tinan-20 liubá.

“Liuhosi ko’alia ba malu ne’ e, ita sei halo balansu objetivu kona-ba oinsá ita ida-idak kontribui ba prosesu konstrusaun Estadu Timor-Leste. Nu’udar lider, iha tempu naruk ka badak, ho rekursu barak liu ka menus, iha konjuntura ne’ebé de’it ho balansu ida ne’ebé sei halo analiza ho objetiva,” karta refere.

Lee Mós :
TANE Konsumidór Aprezenta Rezultadu Peskiza Faze Dahaat

Alkatiri iha ninia karta ne’e dehan, “Ha’ u fiar katak ita sei hatene ho kle’an saida loos mak ita halo ona no hosi konkluzaun ne’e, ita bele haree hamutuk oinsá la’o ba oin ho ain metin ba futuru ida buras liu no di’ak liu”.

Antes ne’e, Premiadu Nobel da Paz, José Ramos Horta, hatete, nia prontu hatán ba karta husi Eis Primeiru Ministru, Mari Alkatiri hodi halo reflesaun hamutuk.

“Ha’u sempre prontu ba dialogu, karta ne’e la’ós dirije de’it ba ha’u mais dirije mós ba Maun Boot Xanana. Dialogu ne’e para  hamutuk ba rai ida ne’e no dezenvolve rai ida ne’e. Ha’u sempre prontu laiha problema,” nian hatete iha Metiaut.(Lee Notísia Seluk Iha Jornál Timor Post/Asesu You Tube Timor Post)

 1,210 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Xanana Kontinua Mantein Pozisaun La Responde ba…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No