ADVERTISEMENT

HAK Husu PR Eleitu Hamosu Referendu Halakon Lei Vitalisia

Mateus da Cruz - Dili · Nasionál
  • Share
Diretór HAK, Sisto dos Santos

DILI— Asosiasaun Hak Asasi dan Keadilan (HAK), husu ba Prezidente Repúblika eleitu atu hamosu referendu hodi elimina tiha lei vitalisia.

Diretór HAK, Sisto do Santos, hatete dezde uluk kedas HAK husu ba Prezidente Repúblika Francisco Guterres Lú Olo atu kria referendu, tanba referendu ne’e kompeténsia prezidente repúblika ninian, maibé to’o mandatu besik remata ona laiha rezultadu.

“Se de’it mak sai Prezidente Repúblika foun, ami nafatin mantein husu atu elimina pensaun vitalisia no hamosu referendu”, nia dehan iha nia knaar fatin Farol.

Tuir nia, Prezidente Repúblika iha kompeténsia atu kria referendu, elimina pensaun vitalisia ka mantein, husik povu mak deside.

“Rekursu ne’e, la’ós deputadu ninia de’it maibé povu ninian hotu, tanba povu maubere fó konfiansa ba ita sira to’o iha ne’ebá ne’e, labele matan delek no fuan delek”, nia dehan.

Lee Mós:
Oportunidade ba Xanana iha Konsellu Estadu, Lú Olo: La Liu husi Telefone

Nia konsidera durante ne’e prezidente repúblika Francisco Guterres Lú Olo nonook de’it kona ba pensaun vitalisia.

“Kona pensaun vitalisia ami konsidera Prezidente Repúblika nonook ba ida ne’e no mós ami konsidera katak Prezidente la iha liafuan  kona ba ida ne’e, prezidente nonook demais kona ba pensaun vitalisia, tanba ne’e mak ami kontinua kritika,” dehan tan.(Lee Notísia Seluk Iha Jornál Timor Post/Asesu You Tube Timor Post)

 420 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “HAK Husu PR Eleitu Hamosu Referendu Halakon Lei…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: