(Reportajen Sezario Sousa/Editora Suzana Cardoso)
VEMASE (Timor Post) – Kandidatu Prezidente Repúblika José Ramos Horta ho númeru sorteiu ida (1) derrota iha Suku Loilubo no Uatalari Postu Administrativu Vemase, Munisipiu Baukau kontra Kandidatu Prezidente Repúblika Francisco Guterres Lu Olo iha eleisaun ronde daruak nian.
Iha suku Loilubo kandidatu Prezidente Repúlika ho númeru sorteiu rua (2) Francisco Guterres Lu Olo manan ho votu 527 no kandidatu Prezidente Repúblika José Ramos Horta ho númeru sorteiu ida (1) lakon ho votu 235.
Eleitór husi suku Loilubo hamutuk 952 no Partisipa iha eleisaun hamutuk 768 no la vota hamutuk 184.
Tuir kontajen votu hatudu katak kandidatu ho númeru sorteiu ida (1) lakon ho votu 217 no Kandidatu númeru Sorteiu rua (2) manan ho 282.
Entretantu, situasaun jerál iha suku rua nee la’o hakmatek hetan seguransa másimu husi polisia Nasionál Timor Leste (PNTL) Postu Vemasi. No mós hetan observasaun husi observadór munisípiu Baukau.
Votasaun ne’e hahú tuku 8:00 dadeer no remata iha tuku 14:30. No hahú konta tuku 15:00 hotu iha tuku 17:25 oras Timor Leste. Iha kontajen ne’e hetan partisipasaun másimu husi eleitór sira.(Lee notísia seluk iha jornál Timor Post/Asesu You Tube Timor Post)
998 total views, 3 views today
Bele hare Video Seluk :