(Reportajen Sezaltina Ximenes/Editora Suzana Cardoso)
DILI (Timor Pos) – Misaun Observasaun Eleitorál Uniaun Europeia iha Timor Leste, observa eleisaun prezidensiál segunda volta kada estasaun sira iha territóriu laran tomak la’o di’ak. No organizadu, maibé menus sondajen.
Tuir Xefe Observadór Misaun observasaun eleitorál Uniaun Europeia, Doménec Ruiz Devesa hatete, iha ekipa na’in 20 mak durante ne’e hala’o hela observasaun ba estasaun votu hamutuk 220 iha territóriu laran tomak.
“Ita hare iha sinál ne ‘ebé hatudu katak ema uitoan de’ it maka vota kompara ho rounde dahuluk nian”, Xefe Observador, Doménec Ruiz Devesa, hato’o lia hirak ne’e ba Jornalista sira iha Sentru votasaun ESG 10 Dezembru, Tersa (19/04).
Nia rekoñese katak, la’ ós buat ida ne ‘ebé ema bele avalia ho momoos, ho númeru sira, maibé haree katak ema uitoan de’it mak hein hela iha sentru votasaun sira hodi ezerse sira nia votu.
Domènec Ruiz Devesa hateten, iha avaliasaun preliminár dahuluk ba sentru votasaun, observadór sira iha kampu ne ‘e seidauk rejista keixa ruma iha sentru sira ne ‘ ebé mak ekipa vizita ona.
Nia informa, Misaun UE akompaña ona prosesu eleisaun prezidensiál iha Timor-Leste husi fulan-fevereiru klaran, no tuir fali ho eventu kampaña nian.Misaun ne’ e iha ona planu atu fó sai relatóriu preliminár kona-ba Eleisaun rounde daruak nian, ne ‘ebé sei hela iha país ne’ e to ‘o remata prosesu, ne ‘ebé remata ho validasaun ba rezultadu finál husi Tribunál Rekursu.
“Ani nota tiha ona katak, iregularidade menor maibé la’ós iregularidade boot,” hakotu.(Lee notísia Seluk Iha Jornál Timor Post/Asesu You Tube Timor Post)
966 total views, 3 views today
Bele hare Video Seluk :
Subscribe to Timorpost
