ADVERTISEMENT

Lamenta Deklarasaun Kandidatu Horta Hatún Imajen UNTL iha Públiku

Mateus da Cruz - Dili
  • Share
Estrutura UNTL halo konferensia imprensa,hodi hatan ba deklarasaun kandidatu horta nian, iha edifisiu UNTL, Kaikoli, Kinta (14/04).

(Reportajen Jaime Pires/Editor Mateus da Cruz)

DILI (Timor Post)- Universidade Nasionál Timor Lorosa’e (UNTL), lamenta deklarasaun kandidatu prezidente repúblika Jose Ramos Horta ne’ebé minimiza kualidade (UNTL), iha debate públiku, ne’ebé mak realiza iha Salaun Mahoka Osindu, Kuarta (14/04).

ADVERTISEMENT
SCROLL FILA BA NOTISIA


“UNTL lamenta tebe-tebes ho liafuan ne’ebé Kandidatu Prezidente Repúblika Dr. José Ramos-Horta hasai iha Debate Prezidensiál ne’ebé realiza iha loron 13 Abril 2022, hodi hatún imajen UNTL nian hodi minimiza nia kualidade. Dala hira kedas Kandidatu Prezidente Repúblika Dr. José Ramos-Horta repete liafuan ne’ebé atu dezakredita UNTL nia imajen husi de’it nia impresaun rasik,” dehan Magnifiku Reitór UNTL, João Soares Martins, liuhusi konferensia imprensa, iha edifisiu UNTL, Kaikoli, Kinta (14/04).

Lee Mós :
SASCAS-CCLN Koopera Hamutuk Tau Matan ba Grupu Veteranu

Nia dehan, UNTL hakarak de’it defende nia an iha Estadu no Sosiedade tomak nia oin, UNTL haksolok tebe-tebes tanba UNTL nia naran temi iha Debate Prezidensiál 2022 nian, maibé sira lamenta tanba Kandidatu Prezidente Repúblika, José Ramos Horta minimiza fali sira nia kualidade.

UNTL estabelesidu husi tinan 2000, nu’udar Instituisaun Estadu nian. Nia sujeita ba avaliasaun fila-fila husi instituisaun akreditasaun no avaliasaun independente ANAAA, membru júri sira kompostu husi avaliadór nasionál no internasionál, ne’ebé hetan predikadu akreditasaun A.

Lee Mós :
Loriku Movimentu Deklara Fó Apoiu ba Kandidatu Assanami

“Ida ne’e rekoñese duni katak UNTL kontribui ona durante tinan ruanulu-resin ba formasaun rekursu umanu ne’ebé kontribui ba funsionamentu Estadu no no mós prepara rekursu umanu ba jerasaun foun sira tuir mai, nafatin ba nafatin,” nia deklara.

Atu hakotu nia dehan tan, UNTL apela atu kandidatu ne’ebé povu hili atu sai Prezidente Repúblika atu bele apoiu nafatin UNTL, atu Instituisaun ne’e bele halo nia kna’ar di’ak liután ba rai Timor-Leste nia futuru.

Antes ne’e kandidatu Ramos Horta, publika iha nia pájina Facebook, katak liafuan ne’ebé maka nia ko’alia iha debate ho kandidatu Prezidente repúblika Lú Olo ne’e halimar de’it.

Lee Mós :
Novel da Paz hahú Limpeza ba Reativa Eskola

“Ohin kalan iha debate ho kandidatu Lú Olo ha’u halimar ho Lú Olo, hatete hau la fiar ona UNTL tan hasa’e estudante direitu ne’ebé halo interpretasaun sabraut ba KRDTL, ne’e halimar de’it.

Kandidatu ne’e hatete, nia fiar nafatin UNTL hanesan universidade estatál ida kualidade iha Timor Leste.

“Ha’u far nafatin UNTL nia kualidade, dosente no alunu”, Horta deklara iha pájina FB ne’e.

 720 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Lamenta Deklarasaun Kandidatu Horta Hatún Imaje…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No