(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post) –Ministériu Saúde (MS), iha planu atu harii uma mahon iha munisipiu-12 atu bele tulun halo tratamentu ba vítima Kazu Violénsia Bazeia ba Jéneru (VBJ),
“Iha tinan ida ne’e ita sei halo tan uma mahon atu nune’e iha munisípiu hotu tenke iha uma mahon, para bainhira akontese Kazu VBJ iha fatin mahon ruma atu bele halo tratamentu” dehan Vice Ministru Saúde (MS), Bonifacio “Maukoli” ba Jornalista sira hafoin partisipa semináriu iha Timor-Plaza, Kuarta (13/04).
Nia dehan, iha munisípiu hitu (7) mak agora daudaun eziste ona uma mahon hanesan, munisipiu Ermera, Likisá, Kovalima, Dili, Oekusi no rua seluk tan.
“Kona ba rekursu no fasilidade ba ekipamentu husi parte profisionál saúde sira mak atende, ne’ebé mak iha disponivel atu bele halo atendementu ba kazu ne’ebé akontese,” nia tenik.
Iha fatin hanesan, Diretora Saúde Munisípiu Dili, Agostinha Seguradu, hatete, planu ne’e hetan apoiu mós husi WNFPA ho COICA, no halo akesimentu iha Munisípiu Dili, asisténsia ba iha Violénsia bazeia ba jéneru no mós Violénsia Doméstika.
“agora daudaun ita hetan ona apoiu husi WNFPA hamutuk ho COICA ba halo ona assessment iha Munisípiu Dili, no fatin ne’ebé mak atu uza ne’e iha Bairro Formoza 2, ida ne’e maka foin hahú hotu prosesu assessment, espera katak, Dili tenke iha uma mahon ida, hodi bele setór saúde hadi’a di’ak liu tan, asisténsia ba iha Violénsia bazeia ba Jéneru no mós Violénsia Doméstika,” hakotu (Lee Notisia Seluk Iha Jornál Timor Post/ Asesu You Tube Timor Post)
742 total views, 3 views today
Bele hare Video Seluk :
Subscribe to Timorpost
