ADVERTISEMENT

STAE-CNE Tenke Hadi’a Mekanizmu Eleisaun Prezidénsial Segunda Rounde  

Mateus da Cruz - Dili · Nasionál
  • Share
HAK realiza konferénsia imprensa, Kuarta, iha Edifiiu HAK, Farol, (13/04).

(Reportajen Cardenio Alves/Editor Mateus da Cruz)

DILI (Timor Post)- Asosiasaun HAK rekomenda ba órgaun eleitorál CNE no STAE atu hadi’a mekanizmu eleisaun prezidensiál segunda volta hodi hasa’e tasa partisipasaun povu nian kompara ho eleisaun primeiru volta ne’ebé nakonu hi problema barak.

ADVERTISEMENT
SCROLL FILA BA NOTISIA

“Ami husu ba STAE no CNE atu hadia mekanizmu eleisaun  segunda volta atu asegura populasaun labele lakon sira nia direitu votu”, dehan Diretór Asosiasaun HAK, Sisto dos Santos, iha konferénsia imprensa, Kuarta, (13/04).

Nia hatete, Ekipa Asosiasaun HAK nota iha kondisaun ne’e akontese iha loron-rua molok eleisaun. HAK nota mós katak votasaun paralelu difikulta eleitór foun sira atu ezerse sira nia direitu de votu. Iha kondisaun seluk mak prizioneiru kuaze 90 resin mak lakon sira nia direitu.

HAK mós deskobre, perdiem insufisiente no ki’ik tebes ba elementu PNTL sira ne’ebé mak akompaña matéria sensitivu antes-durante-depois eleisaun, Montante perdiem dolar 10 ba kada pesoál ne’e susar ba sira atu sobrevive, nune’e potensiálmente bele lori kondisaun marjen knar PNTL nian nu’udar autór atu asegura no garante estabilidade ho másimu iha períodu kulminante refere.

Lee Mós:
Akara, Governu Konsidera Média Sira Iha TL Hanesan Parseiru Estadu Nian

“Ami nia Observasaun durante no depois kampaha primeira volta, kondisaun balu ne’ebe mak HAK nota atu hetan konsiderasaun órgaun Eleitorál nia intervensaun, ba melloramentu sira mak hanesan, Pessoal Polisia nia akomodasaun durante loron 1 no kalan 1 iha Estasaun votu sira, ho valor $10 ne’e la sufisiente”, na subliña.

Prinsípiu Estadu direitu no demokrátiku, nu’udar sistema ida ne’ebé povu maka na’in ba ukun ne’e rasik, direitu no demokrátiku, estadu tenke iha kompromisu hodi respeita no garante sidadaun sira nia direitu umanu no liberdade fundamental sira ne’ebé konsagra iha instrumentu lei nasionál no internasionál oin-oin mak ita nia estadu adapta.

Lee Mós:
KFP hein Funsionariu Idade Avansadu hatama Karta Reforma

Iha ambitu eleisaun nian, ema hotu iha direitu atu partisipa no hola parte iha prosesu eleitorál hodi espresa ninia direitu votu, hodi fihir no hili lideransa ida ne’ebé mak nia hakarak no konfia.

Nia hatutan, Eleisaun paralelu ne’ebé Ia efikásia, kria konfuzaun ba eleitor sira, prejudika votante lubuk mak Ia konsege ezerse sira nia direitu de-votu.

Oras normal ba votasaun husi tuku 07:00 am to’o tuku 03:00 pm ne’e la natoon, nune’e iha fatin balun prejudika votante sira balu lakon nia direitu de votu, tan tarde to’o iha sentru votasaun, liu-liu suku balun mak demografikamente komunidade barak ho distánsia do’ok.

Taxa partisipasaun eleitór sira barak Ia vota, tan dezafiu laiha osan atu selu karreta ka ense mina ba motor atu fila ba sira nia suku, liu-liu estudante-universitáriu no mós ba nivel komunidade hirak ne’ebé ho kondisaun insufisiente nia laran,

Lee Mós:
Xanana ho Ramos Horta Kuda Ai-oan iha Manatuto

Eleisaun prezidensiál liu ba Ia asesivel ba ema ho defisiénsia matan no fíziku, tanba bulletin de votu ba ema defisiente matan laiha, inklui sentru votasaun balu, laiha rampa, susar ema ho kadeira roda atu asesu ba vota.

“HAK  husu  ba órgaun Kompetente liu-liu órgaun eleitorál sira CNE no STAE bele toma konsiderasaun ba Parlamentu Nasionál, atu hamosu rezolusaun extraordináriu hodi fo kondisaun ba CNE no STAE, hodi organiza eleitór sira, bele vota ho flexibilidade iha  Kapitál Dili”, nia rekomenda.(Lee notisia seluk iha Timor Post/Asesu You Tube Timor post)

 138 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “STAE-CNE Tenke Hadi’a Mekanizmu Eleisaun Prezid…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: