(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post) – Ministru Petróleu no Minerais (MPM), Victor da Conceição Soares, hatete, durante assume kargu hanesan Ministru Petróleu no Minerais, iha VIII Governu Konstitusional atinje ona progresu Top Five.
“Atinjementu Top Five, hanesan setór ida importante ba ita nia estadu no ba ita nia jerasaun foun sira, sebainhira la iha planu atinjimentu ba fundu petrolíferu maka nasaun sei hasoru risku no faillansu boot, tanba setór ida ne’e mak sai ran no fonte enerjia ba estadu ida ne’e”, nia hatete, lia hirak ne’e ba jornalista sira iha, iha Salaun PCM, Palasiu Governu, Tersa (12/04).
Nia hatete, uluk kresimentu dezde 2005 ba leten, mais to’o iha 2014 ninia reseita gráfiku ne’e tuun, Iha Tinan 2020 iha duni esforsu balu ne’ebé mak tenke halo medida politika balu atu nune’e bele hasa’e fila fali reseita maibé Governu anterior iha momentu ne’ebá, la hanoin kona oinsá bele iha fali reseita alternativa.
Entaun buat ne’ebé maka governu halo maka tenke diversifika ekonómika, esplorasaun sira ne’e hotu, liu husi parseiru sira, ko’alia ho sira hodi buka fali postu alternativu, ho ida ne’e maka hahu Perfurasaun Infil Well iha Bayu Undang.
“Hahu kedas husi 2020, no to’o 2021 reseita tolu ne’ebé mak halo perfurasaun iha duni rezultadu, reseita ne’ebé tama total 138 millaun USD, mais tinan anterio nia reseita ne’e la liu 100 Millaun anual, iha tinan 2021, rendimentu petroliferu ne’ebé transfere ba fundu Petróleu to’o fulan Dezembru hamutuk dolar amerikanu 309.85 millaun USD ne’e iha finais 2021”, nia esplika.
Nia dehan, transferénsia kontinua la’o fali iha Janeiru 2022 hamutuk millaun 384.35 USD. Nune’e iha tinan 2021 halo fali reseita ida di’ak liu ne’e, sa’e fila fali hamutuk 676.44 USD, ne’e kona ba Petróleu no Gas.
Entretantu tuir dadus ne’ebé mak ministériu iha katak, Iha reseita minerais nian husi dadus 2017 maka, 1,034,568,90 USD kada tinan, 2018, 1,668,804,28 USD, 2019 tama ona ba Covid-19, maibé seidauk iha influensia boot, iha ne’e reseita maka $2,401,791.36 USD ida ne’e boot tebes, tanba mai husi portu Tibar ne’ebé mak presiza konstrusaun faze agora iha maka’as no númeru aas tebes.
“Portantu, iha 2020 sa’e tan ba $2,815,329.56 embora iha Covid-19, maibé ba indústria no empreza sira ne’ebé mak importante, husi Guvernu kontinua fó fasilidade no mós tratamentu espesiais atu bele sira serbisu nafatin, hodi nune’e bele hala’o nafatin sira nia serbisu, 2021 primeiru reseita tuun ona ba $1,973,877.26 tanba portu Tibar nia volume ne’ebé material konstrusaun ne’e komesa menus ona, maibé agora daudaun, ida konsumu lokál ou konsumu nasionál ba estrada, uma sira ne’e kontinua la’o nafatin”. (Lee Notisia Seluk Iha Jornal Timor Post/ Asesu You Tube Timor Post)
725 total views, 3 views today
Bele hare Video Seluk :
Subscribe to Timorpost
