ADVERTISEMENT

Preparasaun Debate Horta VS Lú Olo La’o Namanas Iha Salaun Oka

Mateus da Cruz - Dili
  • Share
Ekipa preparasaun debate nasionál ba kandidatu prezidensiál, segundu volta la'o namanas iha Salaun OKA, Surik Mas, Dili tersa (12/04) Imajen TP/ Jose Mauno

(Reportajen Jose Mauno/Asistente Editor Hermenegildo da Costa Tilman)

DILI (Timor Post)— Komisaun Nasionál Eleisaun (CNE-Sigla Portugés) deside realiza debate nasionál ba kandidatu prezidente segundu volta iha Salaun OKA Hudi Laran.

ADVERTISEMENT
SCROLL FILA BA NOTISIA


Debate nasionál sei hala’o iha loron kuarta 13 Abríl 2022. Debate ne’e mós CNE deside Padre Bento Barros Pereira mak sai moderadór ba kandidatu prezidente Jose Ramos Horta númeru sorteiu 1 ho Francisco Guterres Lú Olo númeru sorteiu 2.

Tuir observasaun Timor Post preparasaun iha Salaun laran la’o namanas husi ekipa CNE, funsionáriu Salaun OKA, Ekipa RTTL.E.P no mós Polisia Nasionál Timor-Leste.

Lee Mós :
MPM Atinji Progresu "Top Five" Durante VIII Governu Konstitusional

Kadeira ne’ebé mak ekipa prepara ho liña ualu. Liña Haat husi liman karuk no haat liman loos. Kada liña iha meza kabuar 10 no meza ida iha kadeira 7.

Tuir ajenda debate nasionál ne’e sei hala’o ho sesaun tolu primeiru sesaun abertura, segundu sesaun debate ba kandidatu prezidensiál na’in 2, terseiru sesaun enkaregamentu.

Debate ne’e sei hahú iha tuku 17 : 00 no remata iha tuku 21 : 00. Hahú ho rejistu partisipante husi tuku 17 to’o  tuku 18.

Lee Mós :
APTC Fó Formasaun Ba Joven Timor Sira

MC iha debate mak Elsa de Jesus Ximenes, depois dirije orasaun husi Padre Bento Barros Pereira, Hinu nasionál husi Maria Vitoria, liafuan benvindu husi prezidente CNE, José Agostinho da Costa Belo Pereira no intercala husi Tony Pereira.

Tuir mai, sesaun segundu mak aprezentasaun regulamentu ba debate, introdusaun debate, povu nia lian, debate mak tama ba intervensaun kandidatu.

Lee Mós :
MSSI Abandona Mate Isin Kuaze Semana Rua, Xanana Tulun Transporta ba Oekusi

Relasiona ho preparasaun debate nasionál, Timor Post tenta entrevista ho prezidente CNE Jose Agostinho da Costa Belo Pereira maibé lakohi fó  komentáriu ho razaun okupa ho servisu. Nune’e mós tenta konfirma ho na’in ba salaun OKA maibé laiha fatin. (Lee Notísia Seluk iha Jornál Timor Post/ Asesu You Tube Timor Post)

 788 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Preparasaun Debate Horta VS Lú Olo La’o Namanas…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No