ADVERTISEMENT

MTK : Aeroportu Baukau Karakter Sivíl, Públiku Labele Konfunde Sala

Mateus da Cruz - Dili · Nasionál
  • Share
Ministru Transporte Komunikasaun (MTK), José Agostinho da Silva

(Reportajen Cesario Sousa/Editor Mateus da Cruz)

DILI (TimorPost)–Ministru Transporte Komunikasaun (MTK), José Agostinho da Silva, husu ba entidade sira atu labele konfunde sala kona ba destinu aeroportu Baukau nian ne’ebé sei kontrola husi Sivíl.

ADVERTISEMENT
SCROLL FILA BA NOTISIA

“Iha Baukau ne’e embaixadór enkarregadu ne’e nia pozisaun ne’e klaru iha ne’ebá, katak karakter sivíl, labele konfunde sala, ne’ebé ezijénsia iha pasadu balun la’o,” hatete Ministru Transporte Komunikasaun (MTK), José Agostinho da Silva, ba jornalista sira iha Aeroportu internasionál Prezidente Nicolao Lobato Komoro, Segunda (11/04).

Nia hatutan, tanba ne’e Oitavu Governu Konstitusionál ne’e lidera husi jenerál Taur Matan Ruak, ho ida ne’e asuntu sira ne’ebé benefísiu ba povu nia moris no nasaun tenke asegura ida ne’e.

Lee Mós:
CNRT Kontinua Konsidera Governu Lideradu TMR Defaktu

Tanba ne’e, ba oin labele duvida tan ho dezenvolvimentu ne’ebé daudaun ne’e akontese iha Timor Leste.

Iha fatin hanesan, Ministru Defeza,(MD), Filomeno Paixão de Jesus, hateten oitavu governu konstitusionál determina ona Aeroportu Baukau sai aeroportu Sivíl la’ós militár nian.

“Governu determina ona Aeroportu Baukau Aeroportu Sivíl, maibé bele hakiak komponente Aero ki’ik F-FDTL nian iha ne’ebá, loron ida mai estadu dehan F-FDTL labele iha ne’ebá ami prontu,” hateten Ministru.

Lee Mós:
KHUNTO: Dezenvolvimentu Hakdasak Tanba Inkapasiade Membru Governu

Tuir nia katak, buat hotu tuir interese estadu nian, tantu militár mós tenke hakru’uk ba estadu.

Aeroportu Baukau ne’e sei jere husi Aviasaun Sivíl no hetan kolaborasaun husi komponente aérea Falintíl-Forsa Defeza Timor Leste (F-FDTL), atu nune’e nune’e bele servisu hamutuk di’ak liu tan.

Entretantu, konstrusaun Aeroportu Baukau hetan apoiu husi Militár Estadu Unidu Amérika (EUA) no apoiu mós husi Falintíl-Forsa Defeza Timor Leste (F-FDTL).

Iha kinta (07/4) liuba enkarregadu Negósiu Embaixada EUA iha Timor Leste, Tom Daley, hala’o ona inaugurasaun ba armazena ida no moru protesaun ba aeroportu Baukau ho perímetru, kilómetru 6.7 hodi asegura area armazena.

Lee Mós:
Konsellu Superior Diskute EE Ba Dalimak

Reabilitasaun ne’e hetan finanseira husi EUA ho montante millaun 10.6 USD. Projetu hahú iha fulan Janeiru no inaugura iha fulan Abríl tinan nee, konstrusaun ba projetu ne’e husi enjeñeiru na’in-15 Aérea EUA, no na’in-sanulu husi forsa naval Seabees no Fuzileiru F-FDTL na’in-29. (Lee Notisia Seluk Iha Jornal Timor Post/ Asesu You Tube Timor Post)

 291 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “MTK : Aeroportu Baukau Karakter Sivíl, Públiku …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: