(Reportajen Cardenio Alves/Editor Mateus da Cruz)
DILI (Timor Post)- Prezidente Komisaun Ezekutivu BTL.EP, Carlos Peloi dos Reis, hatete, BTL.EP Halo Kontratu ho Kompañia Lia-Lura Unipesoal Lda Kona-ba sistema bee moos, projetu ne’e nia durasaun durante fulan neen.
Nia hatete, kontratu entre kontratu ne’e kona-ba konstrusaun fíziku ba sistema ne’e moos iha Suku Bualale, Postu-Administrativu Kelikai, Munisípiu Baukau.
Projetu ne’e ho kustu kuaze Mill 230, iha aldeia rua, Oso-Misa ho Lia-Lura total komunidade kuaze 889, husi total Uma kain 230, inklui defisiénsia sira kuaze Ema na’in sanulu-resin-rua. No benefisia mós Igreja, Eskola, Sede Suku.
“Sistema ne’ebé atu uza ne’e, sistema gravitasaun, nune’e lori husi ne’e matan, ba iha komunidade, maibé Sira servisu la hala’o tuir kontratu ne’ebé iha sei hetan penalidade”, nia hatete iha Edifísiu BTL.EP Kaikoli, Kuarta, (06/04).
Iha fatin hanesan Xefe Suku Bua-lale, Gabriela Belo Conceição, hatete, ohin kompañia ho BTL.EP halo kontratu atu halo Dezenvolvimentu liu-liu saneamentu nian.
“Bee matan ne’ebé atu dada ba Ha’u Nia komunidade Suku Bua-lale, no ne’e La’ós uza de’it mak ha’u nia Suku Oso-Mesa ka Lia-Lura, maibé inklui ba suku viziñu hanesan, Baguia Aldeia Saraida, Suku Lete-mumu hodi konsumu hotu”, nia dehan
Nia dehan, programa ne’e la’ós ba ema ba indivíduu maibé ba komunidade hotu-hotu iha suku laran atu uza.
“Ha’u nu’udar Xefe Suku kontente tebes tanba BTL.EP bele loke programa Ida hodi dada bee moos ba Ha’u nia suku laran”, dehan.
Iha Fatin hanesan, Kompañia Lia-Lura Unipessoal Lda, Gabriela Conceição Boavida, hatete, planu ne’ebé Mak husi kompañia ho BTL. ep halo fiar no garante nia sustentabilidade ho di’ak iha époka oin mai. (Asesu Notísia Seluk Iha Jornál Timor Post/ Asesu You Tube Timor Post)
1,247 total views, 6 views today
Bele hare Video Seluk :
Subscribe to Timorpost
