(Reportajen Estaziadu Mariano Abi/Asistente Editor Hermenegildo da Costa Tilman)
Dili (Timor Post) – Relasiona ho sasán folin sa’e iha rai li’ur hodi fó impaktu mai Timor Leste, Ministru Koordenadór Asuntu Ekonómiku (MKAE), Joaquim Amaral, hatete, di’ak liu rezolve de’it sasán folin sa’e ne’e iha rai laran, tanba difisil governu atu ba hatete iha kompañia produsaun hatún sasán folin.
“Folin ne’e akontese iha Timor, entaun estadu Timor Leste hare ba jurisdisaun territóriu, saida mak akontese iha rai seluk, ne’e problema sira nian, medida sira ne’e sira mak foti, ita labele tama to’o iha ne’ebá, iha komérsiu internasionál sira iha ligasaun, tanba difisil ba ita atu ba hatete iha nasaun ne’ebé mak produsaun, ne’e merkadu global integrasi,” nia dehan iha Suai Room Timor Plaza, segunda (04/04).
Nia hatete, problema husi revolusaun nesesidade báziku nia folin sa’e tanba kauza husi fenómenu mundiál tanba distribuisaun ne’e hetan persuazaun husi akontesimentu iha mundu inklui funu Ukránia ho Rúsia, ne’ebé implika mós mai Timor-Leste.
Tanba ne’e, nia dehan, governu sei haree hare hela situasaun ne’e, atu oinsá bele buka dalan hodi rezolve asuntu ne’e.
“konsekuénsia husi sasán sira ne’ebé iha nia produsaun hetan ona problema, distribuisaun mós iha problema, ho ida ne’e to’o mai ita, folin sa’e, nune’e husi parte Governu sei hare hela situasaun ne’e, atu oinsá bele buka dalan hodi rezolve asuntu ne’e konserteza iha kontaktu entre estadu hodi hare asuntu bilaterál sira,” hakotu. (Asesu Notísia Seluk Iha Jornál Timor Post/ Asesu You Tube Timor Post)
1,041 total views, 6 views today
Bele hare Video Seluk :