DILI—Sekretáriu Jerál Partidu Demokrátiku (PD) António da Conceição subliña sorumutu iha Komité Sentrál FRETILIN (CCF) ho Sekretáriu Jerál FRETILIN Marí Bim Amude Alkatiri, la signifika halo ona koligasaun hodi forma governu dasia.
António hatete, sorumutu ida ne’e atu hatudu PD nia pozisaun hanesan partidu ne’ebé hetan kadeira lima iha parlamentu nasionál hahú loke komunikasaun atu hetan konsertasaun ida ho partidu hotu asentu parlamentar hodi hetan solusaun ba impase polítika atuál.
Sorumutu ne’ebé hala’o iha loron Tersa (18/02/2020) ne’e husi PD akompaña husi husi Komisaun Polítika Nasionál (CPN) Adriano do Nascimento no kuadru Arcângelo Leite no husi parte FRETILIN akompaña husi Sekretáriu Jerál Adjuntu José Reis.
António hatete, PD halo esforsu ida ne’e tanba impase polítika ne’ebé naruk iha rai laran povu mak kontinua sai vítima.
“Tanba ne’e maka ami hanesan partidu polítiku ida iha dever atu ko’alia ba malu, maibé solusaun ne’e depende fali on aba vontade husi partidu ida-idak nian, mas ida ne’e (sorumutu ho FRETILIN) la signifika ami halo ona koligasaun,” António salienta ba Jornalista sira hafoin sorumutu.
Pozisaun ne’ebé PD iha ne’e sei ko’alia mós ho CNRT tanba partidu rua ne’e (CNRT ho FRETILIN) maka nu’udar partidu boot ne’ebé iha liu direitu ba forma koligasaun.
Hatan ba Jornalista kona-ba bainhira CNRT mak aranja forsa hodi forma koligasaun, PD mantein ho prinsípiu katak nakloke ba forsa polítiku hotu atu hetan solusaun ba problema povu no nasaun nian.
DILI—Sekretáriu Jerál Partidu Demokrátiku (PD) António da Conceição subliña sorumutu iha Komité Sentrál FRETILIN (CCF) ho Sekretáriu Jerál FRETILIN Marí Bim Amude Alkatiri, la signifika halo ona koligasaun hodi forma governu dasia.
António hatete, sorumutu ida ne’e atu hatudu PD nia pozisaun hanesan partidu ne’ebé hetan kadeira lima iha parlamentu nasionál hahú loke komunikasaun atu hetan konsertasaun ida ho partidu hotu asentu parlamentar hodi hetan solusaun ba impase polítika atuál.
Sorumutu ne’ebé hala’o iha loron Tersa (18/02/2020) ne’e husi PD akompaña husi husi Komisaun Polítika Nasionál (CPN) Adriano do Nascimento no kuadru Arcângelo Leite no husi parte FRETILIN akompaña husi Sekretáriu Jerál Adjuntu José Reis.
António hatete, PD halo esforsu ida ne’e tanba impase polítika ne’ebé naruk iha rai laran povu mak kontinua sai vítima.
“Tanba ne’e maka ami hanesan partidu polítiku ida iha dever atu ko’alia ba malu, maibé solusaun ne’e depende fali on aba vontade husi partidu ida-idak nian, mas ida ne’e (sorumutu ho FRETILIN) la signifika ami halo ona koligasaun,” António salienta ba Jornalista sira hafoin sorumutu.
Pozisaun ne’ebé PD iha ne’e sei ko’alia mós ho CNRT tanba partidu rua ne’e (CNRT ho FRETILIN) maka nu’udar partidu boot ne’ebé iha liu direitu ba forma koligasaun.
Hatan ba Jornalista kona-ba bainhira CNRT mak aranja forsa hodi forma koligasaun, PD mantein ho prinsípiu katak nakloke ba forsa polítiku hotu atu hetan solusaun ba problema povu no nasaun nian.
Entretantu Sekretáriu Jerál Partidu FRETILIN, Mari Bim Amude Alkatiri, hafoin hasoru malu ho Primeiru Ministru Taur Matan Ruak iha Palásiu Governu, Segunda loro-kraik (17/02/2020), konsidera situasaun polítika atuál hanesan raan iha urat halai laloos.
Nune’e, hatan ba jornalista sira kona-ba orientasaun Prezidente Repúblika Francisco Guterres Lú Olo ba partidu sira iha parlamentu nasionál atu halo movimentasaun hodi hetan solusaun, ho diplomasia Alkatiri hatete, hanesan ema bonito ida hein de’it ema sé mak atu ba hasoru.
“Ha’u hatete ona ba ita boot sira ida ne’e, katuas Bonito hein de’it ema se mak atu mai,” Alkatiri subliña.
Iha sorin seluk, mediadór ba situasaun polítika atuál José Manuél Ramos Horta haktuir, nia rasik hasoru malu ona ho Prezidente Partidu CNRT Kayrala Xanana Gusmão, no dehan líder karismátiku ne’e halo hela diálogu iha partidu laran no ho partidu sira seluk ne’ebé asentu parlamentar relasiona ho situasaun polítika atuál.
Tuir fonte kredivél Timor Post haktuir, Partidu CNRT sei halo konferénsia nasionál iha fulan Fevereiru ne’e nia rohan hodi halo desizaun ba sira nia pozisaun ba formasaun governu dasia. Maske nune’e, fonte ne’e dehan, komunikasaun ho partidu seluk asentu parlamentar lao dadauk liuliu ho PD, KHUNTO, UDT/FM no PUDD.
Entretantu rejultadu diálogu entre líder istóriku sira ne’ebé hala’o iha Palásiu Prezidensiál, Segunda (10/02/2020) kuaze oras hitu nia laran, konsege rejumu pontu tolu ne’ebé sai hanesan alternativu ba hakotu impase polítika iha rai laran.
Pontu tolu ne’e líder istóriku sira prefere entre ida maibé buka atu solusiona ho dalan polítika, maibé mós ho baze ba konstituisaun.
Hafoin diálogu Prezidente Repúblika, Francisco Guterres Lú Olo ba Jornalista sira subliña pontu tolu ne’e mak hanesan, dahuluk, eleisaun antesipada hanesan rekursu ikus liu; daruak, partidu polítiku sira ne’ebé asentu parlamentar nasionál hotu-hotu tenke halo movimentu polítiku oinsá mak bele dezeña opiniaun no hakarak atu bele hetan solusaun ba impase polítiku ida ne’e; no datoluk, primeiru ministru sei mantein nafatin primeiru ministru ba governu daualu to’o hetan solusaun ba situasaun polítika atuál.
Lú Olo dehan, liuhusi dalan diálogu ida ne’e nia fi’ar katak sei iha solusaun ida ne’ebé di’ak liu ba Timor Leste nia situasaun polítika hodi labele sakrifika nafatin dezenvolvimentu nasionál.
“Liu husi hanoin di’ak husi líder sira hotu para bele ultrapasa situasaun,” Lú Olo hatete. (cao)
690 total views, 3 views today
Bele hare Video Seluk :