(Reportajen Estaziadu Cardenio Alves,PJ19/Editor Mateus da Cruz )
Dili(Timor Post)-Governu Austrália apoiu Millaun 5 USD ba governu Timor Leste hodi implementa programa bolsa da Mãe jerasaun foun.
” ohin Ami diskute maka programa ida ne’ebé hanaran bolsa da mãe ba jerasaun foun, bolsa da mãe jerasaun foun ne’e apoiu osan ba inan isin rua ho labarik sira ne’ebé sei kiik atu reforsa família sira hodi bele fó nutrisaun di’ak ba sira ho labarik sira ne’ebé kiik,” dehan Embaixadór Australia ba Timor Leste, Bill Costelo, hafoin hasoru malu ho Ministra Solidariedade Sosiál no Inkluzaun iha Salaun GVPM-MSSI, Kaikoli, Segunda (04/04).
Nia hatete, daudaun ne’e sira nia ekipa tékniku hahú servisu maka’as ho ministériu solidariedade sosiál, atu rejistu no implementa pagamentu ba benefisiáriu sira.
“Téknikamente ami hala’o servisu sira ne’e atu asegura katak programa ne’e bele lansa iha meiu tinan ida ne’e, ida ne’e sei sai hanesan programa ida, programa ida ne’e sei hahú tolu (3), Munisípiu Ainaru, Munisípiu Bobonaru no RAEOA, ida ne’e hanesan ezemplu Ida sei ita halo di’ak, ita sei halo tan ba munisípiu hotu-hotu, maibe ami koko halo Ida uluk ba munisípiu hotu,”nia dehan.
Governu Australia servisu hamutuk ho governu Timor-Leste atu asegura oinsá hadi’a povu Timor nia moris iha programa oi-oin. Governu Australia nu’udar parseiru dezenvolvimentu ne’ebé di’ak sei kntinua fó apoiu ba governu Timor-Leste atu hadi’a povu nia moris iha futuru.(Lee notisia seluk iha Timor Post/Asesu You Tube Timor post)
887 total views, 3 views today
Bele hare Video Seluk :
Subscribe to Timorpost
