(Reportajen Estaziadu Cardenio Alves/Editor Mateus da Cruz)
DILI (Timor Post)- Ministériu Agrikultura no Peska (MAP), halo lansamentu ba projetu sistema Ai-han hodi hasae kualidade nutrisaun iha Timor Leste.
Ministru Agrikultura no Peska, Pedro dos Santos, hatete, dezastre naturais ne’ebé mosu daudaun ne’e fó implikasaun ba komunidade sira.
“Ita ko’alia dehan projetu montante rihun sia de’it, hodi hasae kualidade ba nutrisaun ne’ebé nutritivu dalaruma la imposivel, maibé iha situasaun ne’ebé TL hanesan dezastre naturais, husi projetu Ida ne’e bele tulun ho sistema balun hodi organiza didi’ak saida maka iha no haree saida mak bele sustenta di’ak to’o futuru ba konsumidór sira nian”, nia dehan iha Fatin City 8 Manleuna Dili, Kinta, (31/03).
Iha fatin hanesan, Xefe Programa FAO Iha TL, Paula Lopes da Cruz, hatete, projetu ida ne’e hanesan servisu Ida entre ajénsia sira hanesan FAO nu’udar organizasaun Nasoins Unidas nian ba agrikultura no seguransa alimentár nian no WFP hanesan organizasaun mundiál ba ai-han, no mós WHO Mak organizasaun mundiál ba saúde, hodi haree ba asuntu emerjénsia.
“Ohin Ita Lansa projetu Ida servisu hamutuk ho ajénsia tolu ne’e, ne’ebé apoiu orsamentu Husi União Europeia ho montante millaun Ida, atu tulun no fortaleza ba sistema ai-han iha Timor Leste hodi promove no redusaun ba dezastre,” nia dehan.
Nia dehan, mundu ohin loron hasoru krize oin-oin, iha mudansa klimátika, funu, covid-19. situasaun sira nee hamosu mós ho situasaun sistema alimentár, nune’e hanesan nasaun Ida presiza hametin sistema ai-han atu hodi labele pániku bainhira hasoru situasaun krize iha kualkér tempu.(Asesu Notísia Seluk Iha Jornál Timor Post/ Asesu You Tube Timor Post)
716 total views, 3 views today
