(Reportajen Cesario Sousa/Editor Mateus da Cruz)
DILI (Timor Post)–Ministra Solidariedade Sosiál no Inkluzaun (MSSI), Armanda Berta dos Santos, sei assume kargu Primeira Ministra iha oitavu governu konstitusionál, durante semana rua.
“Hasoru malu ho Primeiru ministru, liga ho exelénsia nia lisensa husi dia 02 too dia 21 Abríl ba kampaña nian, tanba ida nee mak ha’u simu nu’udar interina,” nia hatete hafoin remata audiénsia ho Primeiru Ministru, Taur Matan Ruak, iha Rezidénsia Ofisial Faról, Kinta (31/03).
Lee Notisia Relevante : PM Taur Sei Foti Lisensa Anuál, Hodi Reforsa Lú Olo ba Kampaña PR
Nia hatete, iha audiénsia ne’e nia hetan orientasaun hosi primeiru ministru atu servisu tuir knar xefe governu nian.
Tanba nee, Amanda Berta dos Santos, sei assume pasta primeira ministra hahú husi loron 02 too 21 fulan Abríl tinan 2022.
Antes ne’e mós Primeiru Ministru, Taur Matan Ruak, anunsia ona katak sei foti lisensa hodi reforsa kandidatu Lú Olo ba kampaña prezidensiál segunda rounde ne’ebé sei hahú iha loron 02 too 16 fulan Abríl tinan nee, inklui sei ezerse votu husi sidadaun iha loron 19 fulan Abríl tinan ne’e. (Lee Notísia Seluk Iha Jornál Timor Post/Asesu You Tube Timor Post)
861 total views, 3 views today
Bele hare Video Seluk :