ADVERTISEMENT

KHUNTO Deklara Ofisialmente La Apoiu Ramos Horta iha Segunda Volta

Mateus da Cruz - Dili · Nasionál
  • Share

(Reportajen Germandina Xavier/Asistente Editor Hermenegildo da Costa Tilman)

Dili (Timor Post)—Konselleiru Másimu Partidu Kmanek Haburas Unidade Nasionál Timor Oan (KHUNTO), José Dos Santos “Naimori Bukar”, hamutuk ho estrutura tomak partidu nian hosi nasional to’o iha baze, deklara ofisialmente fó apoiu total ba kandidatu Prezidente Republika ho numeru sorteiu 2, Francisco Guterres Lú Olo, hodi sai prezidente republika ba períodu da-ruak husi 2022-2027.

ADVERTISEMENT
SCROLL FILA BA NOTISIA

“Iha soru mutu ida ne’e sai hanesan sasukat forsa ida iha KHUNTO, hodi fó apoiu total ba kandidatu Lú Olo ho fiar katak kandidatu Lú Olo sei hetan rezultadu ne’ebé di’ak iha fulan Abríl mai,” nia dehan lia hirak ne’e ba jornalista sira liu husi konferénsia imprensa, iha Sede Partidu KHUNTO, Manleuana, Kinta (31/03).

Lee Mós:
Taur Kontente Progresu Preparasaun Serimónia 20 de Maiu

Nia dehan, Desizaun hodi reforsa kandidatu Lú Olo tanba KHUNTO, PLP no Fretilín nu’udar aliadu ida ne’ebé maka forma oitavu governu konstitusionál, tanba ne’e hakarak ka lakohi KHUNTO tenke fó apoiu ba kandidatu Lú Olo.

KHUNTO sei servisu maka’as hamutuk ho Partidu Libertasaun Popular (PLP), Partidu Os Verdes, no apoiante sira tomak partidu nian hodi lori vitória ba kandidatu Lú Olo.

Lee Mós:
La Selu Taxa ba Estadu, KAK Detein Ema Na’in-4

Konselleiru másimu mós akresenta, KHUNTO hili Lú lo tanba durantne assume Prezidente Repúblika, kandisatu Lú Olo figura ne’ebé maka kalma no servisu tuir lei.

“durante iha oitavu governu krize barak mak mosu, maibé ita nia prezidente ida ho kalma, pasiénsia hetan krítiku barak, maibé nia pasiénsia nia iha fuan boot, hala’o servisu tuir lei ne’ebé iha, tanba ida ne’e partidu KHUNTO hili hodi apoiu nia,”deklara.

Ikus liu, nia hatete, bainhira iha membru KHUNTO balun fó fali apoiu ba Ramos Horta, ne’e la’ós ona reprezenta KHUNTO.

Lee Mós:
Kona Covid-19, Artista Juga Gama Hakotu Is

“Se iha estrutura KHUNTO nian balu ba apoiu kandidatu seluk ne’ebé la’ós deklara husi Partidu KHUNTO rasik ne’e konsidera ilegál, tanba la iha koñesimentu husi konselleiru másimu no estrutura nasionál partidu nian, tanba Partidu KHUNTO foti ona desizaun ida katak apoiu kandidatu Lu’Olo ba Prezidente Repúblika ba períodu 2022-2027),” nia hakotu. (Lee Notísia Seluk Iha Jornál Timor Post/Asesu You Tube Timor Post)

 69 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “KHUNTO Deklara Ofisialmente La Apoiu Ramos Hort…” A few seconds ago
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Live Streaming
Live Streaming TImor Post TV
x
Varanda
Kategoria
Video
Buka
Watch
error: