(Reportajen Estaziadu Cardenio Alves/Editor Mateus da Cruz)
DILI (Timor Post)- Organizasaun Noun Governamentál Luta Hamutuk, husu ba governu molok muda eskola São Miguel ba fatin seluk presiza asegura uluk estudante sira.
Diretór Luta Hamutuk, Jose Alves da Costa, hatete, bainhira governu muda eskola São Miguel nia konsekuénsia maka estudante sira sei abandonadu.
“Governu foti desizaun iha tempu badak sei hasai São Miguel, ba Fatin Seroja, maibé provizóriamente estudante sira atu ba aprende no asesu eskola ne’e iha ne’ebé, Ida ne’e tenke iha solusaun ne’ebé entre governu ho eskola São Lee Notisia Relevante :Miguel presiza halo,” nia dehan iha Edifisiu LH Faról, tersa, (29/03).
Lee Notisia Relevante : Komunidade Bairru Seroja, La Aseita Governu Hasai Sira Hosi Hela Fatin
Prosesu ne’e tuir Diretór Luta Hamutuk, presiza ko’alia didi’ak, entre governu ho São Miguel, tenke importánsia ba iha estudante sira. Luta Hamutuk haree katak osan ho montante millaun 2.7 USD ne’ebÉ oferta ba São Miguel atu sai husi nia fatin ne’e la’ós kestaun maibé nia prioridade liu maka oinsé bele dezloka estudante sira ba iha fatin ne’ebé maka dignu.
Nia husu atu governu adia tiha lai prosesu eviksaun eskola hodi fó tempu harii uluk eskola ba estudante. Governu ho na’in ba eskola, tenke tetu no buka solusaun di’ak ba estudante sira, labele sakrifika estudante sira ne’ebé daudaun ne’e hala’o hela sira nia prosesu aprendizajen.
“Ha’u hanoin Ita labele uza estudante sira ba iha ita nia interese polítika tantu programa, nune’e ba Ha’u la interese eskola ne’e atu lori ba ne’ebé naran katak asegura estudante Sira no presiza valoriza valoriza direitu estudante sira nian,” nia reforsa.(Asesu Notisia Seluk Iha Jornal Timor Post/Asesu You Tube Timor Post)
447 total views, 3 views today
