ADVERTISEMENT

Eleitu ba PR, Horta Promete PD Sai Parseiru Estratéjiku

Mateus da Cruz - Dili
  • Share
Kandidatu Prezidente Republika, ho numeru sorteiu 8, Jose Ramos Horta. Imajen Esp

(Reportajen Jeremias Soares/ Editor Mateus da Cruz)

DILI—Kandidatu Prezidente Repúblika ho númeru sorteiu-14 José Manuel Ramos Horta, promete sekarik eleitu ba Prezidente Repúblika, Partidu Demokrátiku (PD) sei sai parseiru estratéjiku.

ADVERTISEMENT
SCROLL FILA BA NOTISIA


Horta hatete, dezde Partidu Demokrátika forma iha tinan-20 liubá, nia parte sempre buka hodi fó apoiu ba PD, tanba fiar katak ba oin, rai ida ne’e tenke iha partidu demokrátiku alternativu ida, hodi hari Estadu demokrátiku ida metin liután. No iha tinan 20 nia laran, PD iha esperiénsia kle’an iha Parlamentu, Governu no Komunidade.

Lee Mós :
Suku Bairru-Pité Identifikadu Ligasaun Bee Moos Ilegál Hamutuk 195

“PD hatuur ona 20 anus, esperiénsia kle’an iha Parlamentu, Governu no iha Komunidade, portantu, parseiru ida importante ba ha’u bainhira ha’u eleitu prezidente, ha’u hakarak PD sai hanesan parseiru estratéjiku ida”, Horta informa asuntu ne’e hafoin remata enkontru ho estrutura PD Munisípiu Dili, iha eskritóriu Faról, Segunda (28/03).

Horta dehan, nia parte admira ho lideransa Partidu Demokrátiku Mariano Assanami Sabino, tanba ko’alia hanesan Bung Karno.

Lee Mós :
Asosiasaun Tolu La Partisipa Taxa FFTL-Telkomsel Cup

“Ha’u koñese sira lubuk ida, ha’u sempre admira Mariano Sabino, tanba goza ho nia, eipa… Mariano o ko’alia ne’e hanesan Bung Karno Indonesia, tanba nia oradór ida di’ak tebetebes, se o rona de’it Mariano Sabino ko’alia ne’e, o monu kedas ona”, Horta ko’alia ho hamnasa.

Iha fatin hanesan, Koordenadór PD Munisípiu Dili, Augusto da Costa Soares, hatete hasoru malu ho kandidatu PR José Ramos Horta ne’e atu fó parabéns tanba hetan votu barak iha eleisaun prezidensiál.

“Ami husi estrutura PD Munisípiu Dili nian, naturalmente lideransa nasionál mai uluk tiha ona iha ne’e, mais ami Dili ohin mai iha ne’e tanba hanesan aman no avo ne’ebé mak besik malu hela iha ne’e, ami mai hanesan fó parabéns, tanba eleisaun liubá votu barak mai iha avo”. Augusto dehan.  (jry)

 811 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Eleitu ba PR, Horta Promete PD Sai Parseiru Est…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No