(Reporter Germandina Xavier / editor Asistente Editor Hermenegildo da Costa Tilman)
Dili ( Timor Post)—Sentru Nasionál Chega (CNC-Sigla Portugés), ohin, realiza asina akordu kooperasaun institusionál ho Rádiu Televizaun Timor Leste, Empreza Públiku, hodi divulga informasaun kona-ba istória Timor.
Diretór Ezekutivu CNC, Hugo Maria Fernandes, hatete, iha tinan tolu liubá sira entre RTTL,EP no CNC asina ona akordu ba programa ida ne’e, tanba ohin akordu ne’e remata, nune’e parte rua ohin asina akordu hodi kontinua fila programa ne’e.
Tanba CNC haree katak Iha espasu boot ne’ebé oras ne daudaun la utiliza, foin lalais RTTL uza de’it 18 oras depois 6 oras tempu ne sei livre hela tanba ida ne mak CNE hakarak fó espasu ba iha públiku atu bele utiliza oras ne’ebé iha ne’e hodi fó sai sira nia istória ba komunidade sira.
”Tuir ami nia haree katak RTTL hanesan órgaun públiku ida, mídia estatál ida ami iha devér ida atu bele hala’o ami nia knaar hodi bele apoiu órgaun públiku sira seluk hodi bele fó sai informasaun ba públiku,” nia dehan ba Jornalista sira iha Edifísiu CNC, Balide, Mascarenhas, Segunda ( 28/03).
Entretantu, Prezidente Konsellu Administrasaun RTTL.EP, Jose Antonio Belo, hatete nota intedementu ne’e atu hametin kooperasaun liuliu hodi kontribui divulga informasaun ba públiku kona-ba povu Timor nia luta ba ukun rasik An.
”Tan ne’e mak RTTL, EP ho CNC realiza kooperasaun ida ne atu dignifika ba ema hotu nia luta, no hau hato’o agradese ba kooperasaun ne’ebé RTTL,EP ho CNC halo,” nia hatete.
CNC ho RTTL, EP sei implementa Pakote tolu kompostu hosi live talk show ba komponente CNC, live talk show ba ema ne’ebé ativu iha luta ba independénsia no komemorasaun eventu istóriku sira liu liu violasaun direitu umanu.
558 total views, 3 views today
