(Reportajen Cardenio Alves/Asistente Editor Hermenegildo da Costa Tilman)
DILI (Timor Post)—Sekretáriu Estadu Terra no Propriedade, Mario Ximenes, hatete, Governu Prepara ona Millaun 2.7 USD, ba Eskola São Miguel Hodi Buka Fatin Foun.
“Eskola São Miguel hanesan eskola Timor oan sira nian, ita respeita no konsidera, tanba tama kategoria hodi hanorin no eduka ita nia oan sira, nune’e governu prepara osan millaun 2.7 ba eskola hodi buka fatin foun,” nia dehan, iha Edifísiu Terra Propriedade, Bebora, Sesta, (25/03).
Nia dehan, São Miguel ezije ba buat ne’ebé mak nia hakarak atu governu fó, maibé Governu sei tetu lai tanba, eskola São Miguel hanesan instituisaun privadu la’ós públiku.
Notisia Relevante : Komunidade Bairru Seroja, La Aseita Governu Hasai Sira Hosi Hela Fatin
Nia hatete, Governu sobu liga ba Lei númeru 8/2017, apropriasaun utilidade públiku, tanba estrada protokolu nune’e governu halo estrada modelu internasionál, nune’e Eskola São Miguel hakarak ka lakohi tenke sai husi fatin refere, ne’e obrigasaun estadu nian.
“Governu foti desizaun São Miguel tenki sai iha tempu badak nia laran, tanba restu estadu sobu hotu ona, hela deit mak eskola São Miguel, nune’e governu husu ba são Miguel tenki sai husi fatin refere”. nia hatete.
Estadu iha responsabilidade moral ba eskola tanba eskola eduka duni Timor oan sira, nune’e estadu buka fatin, maibé fatin mos tuir kbiit ne’ebé iha, nune’e estadu prepara fatin Seroja ba eskola São Miguel atu halo nia konstrusaun. (Lee Notisia Seluk Iha Jornal Timor Post/Asesu You Tube Timor Post)
343 total views, 3 views today
