(Reportajen Jaime Pires/Editor Mateus da Cruz)
Dili (Timor Post)- Sekretáriu Jerál Partidu FRETILIN, Mari Bin Amude Alkatiri, hatete, nia ho kandidatu Prezidente Repúblika, ho númeru sorteiu 8, Lere Anan Timur, horisehik hasoru malu tiha ona
“Ami na’in rua horisehik hasoru malu ona, Jenerál Lere dehan ha’u hanesan alin ha’u bá buka ha’u nia maun no ami na’in rua hasoru malu ona,” dehan Nia bá jornalista sira, Iha Salaun Canosa, Has-Laran, hafoin partisipa Konferénsia Nasionál PLP, Domingu (27/03).
Nia dehan, iha hasoru malu ne’e, sira na’in rua ko’alia buat barak, maski sei iha dezentendimentu oituan durante kampaña maibé horisehik rezolvidu ona.
“Ne’ebé ha’u ho Jeneral Lere rezolve hotu ona, agora tempu atu hare de’it detallu ba oin ne’e holo nusa, no FRETILIN mós prepara ona hodi simu Lere ho dignu iha tempu badak, no iha tempu kongresu nia mós sei partisipa hanesan membru Komite Sentrál FRETILIN,” tenik Nia.
Alkatiri hatutan, kona-ba apoiu Lú Olo ne’e, bele dehan militante sira ne’ebé mak momentu apoiu Lere nia kandidatu ne’e 95% ne’e husi FRETILIN, entaun agora Lere la iha kandidatu ona sira sei fila fali mai apoiu Lú Olo hamutuk ho Lere.(Lee notisia seluk iha jornal Timor Post/asesu youtube Timor Post)
542 total views, 6 views today
Bele hare Video Seluk :