(Reportajen Germandina Xavier/ Editor Mateus da Cruz)
Dili (Timor Post)— Tuir planu estabelesimentu prizional Bekora sei realiza formasaun ba prizioneiru sira iha área negósiu, liu-liu oinsa halo planu negósiu ne’ebé di’ak.
Diretór Prizaun Becora, João Domingos, hatete, estebelesimentu prizional sempre fasilita formasaun ba prizioneiru sira iha area oi-oin, maibé tanba situasaun pandemia Covid-19 halo atividade sira ne’e paradu.
”kauza husi covid-19 formasaun taka ba ema hotu-hotu, maibe husi kedas Janeiru, ita haree iha mundu ne’e katak kazu covid-19 komesa menus, ikus mai ita halo fali pedidu formasaun ba ita nia maluk sira,” nia dehan iha Salaun Treinamentu Prizaun Becora , Sesta (25/03).
Nia hatete, objetivu hosi formasaun iha area negósiu ne’e atu prizioneiru sira iha koñesimentu kona-ba oinsá halo planu ba negósiu, atu nune’e bainhira sira nian tempu kastigu remata sira bele aplika fila fali saida maka sira hetan iha sosiedade nia leet.
Formasaun area negósiu ne’e sei fasilita hosi komite 12 de Novembru. Antes ne’e komité fó ona formasaun, iha faze primeiru volume partisipasaun na’in 30, tuir fali 6o no agora daudaun sa’e ba na’in 80.
Alende Komite 12 Novembru, parte estabelesimentu prizaun Bekora mós hetan ona resposta hosi organziasaun Haktanek Direitu Sidadania (HDS) ne’ebé hakarak atu ativa fila fali formasaun iha area saude nian ba prizioneiru sira.
“HDS kada tinan fo formasaun iha área saúde nian liu-liu konaba prevensaun HIV-SIDA no Care Education,”hakotu.(Lee notisia seluk iha (Lee notisia seluk iha jornal Timor Post/asesu youtube Timor Post)
530 total views, 3 views today
Bele hare Video Seluk :