ADVERTISEMENT

Apuramentu Aileu-Ainaru, CNE Deside Vota Nulu 334 Sai Válidu

Mateus da Cruz - Dili
  • Share
Prezidente CNE, José Agostinho da Costa Belo Pereira, Imajen TP/germandina xavier

(Reportajen Jose Mauno, Germandina Xavier/Editor Hermenegildo C Tilman)

DILI—Tama ba loron rua apuramentu nasionál, Komisaun Nasionál Eleisaun (CNE-Sigla portugés), finaliza ona akta hosi munisípiu Aileu ho Ainaru, no deside vota Nulu 334 sai validu.

ADVERTISEMENT
SCROLL FILA BA NOTISIA


Prezidente CNE, José Agostinho da Costa Belo Pereira, hatete, CNE horisehik, hahú halo apuramentu nasionál iha tuku 14:00 primeiriu hahu ho munisípiu Aileu no kontinua ho Ainaro.

“liu husi prosesu verifikasaun intensivu husi ita nia funsionáriu, ita konsege verifika votu nulu hamutuk 334 sai validu ba kandidatu 16,”,nia hatete ba jornalista sira liu husi konferensia imprensa iha Salaun Mídia Centre CNE, kuarta (23/03).

Lee Mós :
Atualidade: Kondutór Lanu ho Karreta Estadu Xoke Mate Ema iha Kolmera

Tuir lei iha apuramentu nasionál, CNE sei verifika konsisténsia numérika iha akta sira, deside definitivanente votu nulu no votu reklamadu sira no mós foti desizaun ba reklamasaun sira.

Husi munisípiu Aileu ho votu reklamadu hamutuk 4, hafoin halo verifikasaun deside 3 sai válidu ne’ebé atribui ba kandidatu númeru 6, no ida sai nulu.

Iha votu nulu hamutuk 526, depois halo verifikasaun deside bulletin nulu  hamutuk 372 no sai Válidu hamutuk 154 fahe ba kandidatu 16.

Lee Mós :
Partidu 12 Asina Akordu Dame, 5 La Partisipa

Alende ne’e husi munisípiu Ainaru hahú iha tuku 16:00. Iha votu reklamadu 1, desizaun nafatin Nulu. Bulletim nulu hamutuk 779, depois  halo verifikasaun deside votu hamutu 559 mak mantein Nulu, no votu hamutuk 180 mak sai válidu.

Votu Nulu hosi munisipiu rua ne’e hamutuk 1.305, deside sai validu hamutuk 334, no ne’ebé mantein sai nulu hamutuk 931. votu reklamadu hosi munispiu rua ne’e hamutuk 5, deside sai validu 3 no sai nulu hamutuk 2.

Lee Mós :
SEII-ONU-KOICA Diskute Reforsa Projetu HI

Entretantu prosesu apuramentu nasionál daudaun ne’e  tama ona ba munisípiu Baukau no rezultadu sei iha mudansa. Maibé rezultadu atu aumenta hira hein loron tolu.

Tuir dadus ne’ebé mak fó husi televisaun katak, eleitór 859.613, votu konfirmadu 81, 514, eleitór seidauk konfirmadu 778, 099.

 753 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Apuramentu Aileu-Ainaru, CNE Deside Vota Nulu 3…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No