ADVERTISEMENT

Governu Deside Hasa’e Saláriu Xefe Suku ba 250 USD

Mateus da Cruz - Dili · Nasionál
  • Share
Ministru Prezidensiál Konsellu Ministru (MPCM), Fidelis Manuel Leite Magalhaes. Foto TP/Jaime Pires.

(Reportajen Jaime Pires/Editor Mateus da Cruz)

Dili (Timor Post)- Konsellu Ministru, ohin, aprova ona projetu Dekretu-Lei n. 6/2014, loron 26 fulan-Fevereiru, ne’ebé aprezenta husi Ministru Administrasaun Estatál, Miguel Pereira de Carvalho, kona-ba Alterasaun ba rekursu materiál no insentivu finanseiru ba lider komunitária sira.

ADVERTISEMENT
SCROLL FILA BA NOTISIA

Nia hatete, haree ba karater naruk no ezijente husi kolaborasaun entre organizasaun komunitáriu no Estadu, husi kuadru normativu foun ne’ebé introdús husi Lei Suku sira no mós iha prosesu deskonsentrasaun administrativa afavór ba suku sira, diploma ida ne’e prosede ba atualizasaun rekursu materiál sira no insentivu finanseiru sira hodi atribui ba organizasaun komunitáriu sira.

Lee Mós:
Tribunál Notifika Xanana ba Kazu Sosa Karreta ba Parlamentu Nasional

“Ho projetu atu normativu ida ne’e, subsídiu fiksu sira ba Xefe Suku sira sa’e husi 140 USD ba 250 USD, subsídiu fiksu sira ba xefe aldeia sira sa’e husi 100  USD ba  150 USD, valór husi subsídiu operasionál ba kontratasaun hodi ausiliár ba apoiu administrasaun suku sa’e husi 115 USD ba 140 USD ho valór kada fulan,” dehan Ministru Prezidensiál Konsellu Ministru, Fidelis Magalhaes, iha Palásiu Governu, kuarta (23/03).

Lee Mós:
Substituisaun Depende ba Lista, Durante Ne'e Deputada Bendita mak Substitui Saudoza Albina

Aprovasaun ida ne’e mós tuir nia, hakarak reforsa prinsípiu legalidade, transparénsia no administrasaun di’ak husi rekursu finanseiru sira Estadu nian ne’ebé importa ba área normativa husi dekretu-lei ida ne’e.

Tanba definisaun no kuantifikasaun konjuntu husi rekursu no insentivu finanseiru sira atu atribui ba lideransa no ba organizasaun komunitária sira, ne’ebé remete de’it ba diploma ministeriál konjuntu regra sira kona-ba prosedimentu ba utilizasaun insentivu finanseiru sira.

Lee Mós:
Prezidente CDN-CNRT: Governu Foun Nafatin Kumpri Komprimísu Anterior

Atu hakotu nia aumenta, subsídiu dezlokasaun ba membru sira Konsellu Suku nian, sa’e hosi 30 USD ba 40 USD, ba valór sira seluk la iha alterasaun.

 234 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Governu Deside Hasa’e Saláriu Xefe Suku b…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: