(Reportajen Jaime Pires/Editor Mateus da Cruz)
Dili (Timor Post)-Primeiru Ministru Taur Matan Ruak, espera membru goernu na’in haat ne’ebe simu on pose , ohin, bele serisu diak liu hodi rezolve dezafiu dezenvolvimentu ne’ebe daudaun ne’e nasaun enfrenta.
“ha’u-nia agradesimentu kle’an ba Membru Governu haat ne’ebé ohin simu pose, hodi renova konfiansa ne’ebé fó ba imi no fiar katak, imi bele ajuda Governu hodi rezolve dezafiu sira ba dezenvolvimentu nasionál ho forma inovadora, emprendedora, leál no konstrutiva,” nia hatete iha serimónia pose ba membru governu na’in haat, iha Palásiu Prezidente Repúblika, Bairopite.
Nia hatete, remodelasaun ida ne’ebé akontese, bainhira hahú síklu foun Planeamentu no Orsamentasaun ba Tinan Fiskál 2023 nian, identifikasaun no realizasaun meta indikadora.
Objetivu no prioridade sira ne’ebé ezijente liu hodi avalia índise sira ba moris di’ak no dezenvolvimentu umanu, saudavel no sustentadu liu, ho nivel kapasitasaun no koñesementu ba rekursu umanu sira di’ak liután, hodi kumpre objetivu nasionál ne’ebé boot atu transforma Timor-Leste ba país ida modernu, prósperu no seguru, ho padraun sira rendimentu nian ne’ebé justu, ekuitativu no dignu liu.
Taur lori governu nia naran, agradese ba apoiu husi Prezidente Repúblika, Francisco Guterres Lu Olo, ne’ebé fasilita hodi aselera prosesu remodelasaun ne’ebé la’o hela.
Nia mós hato’o agradese ba membru governu sira sesante, hanensan Salvador Dos Reis Pires, Manuel Cárceres, Sara Lobo no mós Gil da Costa ‘Oan Soru’, ne’ebé fo ona sira nia kontribuisaun.
“Ha’u aproveita oportunidade ne’e, hodi agradese ba Membru Governu sesante ba dedikasaun no empeñu ne’ebé hatudu ona iha tinan tolu ikus ne’e, ne’ebé kontribui barak ona ba rezultadu koletivu sira ne’ebé alkansa husi Governu, ha’u dezeja votu susesu di’ak ba nivel pesoál, familiár no profisionál,” dehan Taur.
Nia hatete, remodelasaun ida ne’ebé akontese, bainhira hahú síklu foun Planeamentu no Orsamentasaun ba Tinan Fiskál 2023 nian, identifikasaun no realizasaun meta indikadora.
Objetivu no prioridade sira ne’ebé ezijente liu hodi avalia índise sira ba moris di’ak no dezenvolvimentu umanu, saudavel no sustentadu liu, ho nivel kapasitasaun no koñesementu ba rekursu umanu sira di’ak liután, hodi kumpre objetivu nasionál ne’ebé boot atu transforma Timor-Leste ba país ida modernu, prósperu no seguru, ho padraun sira rendimentu nian ne’ebé justu, ekuitativu no dignu liu.
Taur mós lori governu nia naran, agradese ba apoiu husi Prezidente Repúblika, Francisco Guterres Lu Olo, ne’ebé fasilita hodi aselera prosesu remodelasaun ne’ebé la’o hela.
Atu hakotu, Matan Ruak deklara tan, mai hamutuk iha ne’e hodi serbí Timor-Leste no timoroan sira hotu.
Entretantu membru governu na’in haat ne’ebé ohin simu pose, maka hanesan, Ministru Obras Públikas, Abel Pires da Silva, troka Salvador Dos Reis Pires. Ministru Justisa, Tiago Amaral Sarmento, troka Manuel Cárceres. Vise-Ministru Finansas, António Freitas, troka Sara Lobo Brites no Sekretáriu Estadu ba Assuntus Kombatentes Libertasaun Nasionál, Júlio da Conceição ‘Loro Messak’ troka Gil da Costa ‘Oan Soru’
942 total views, 3 views today
Bele hare Video Seluk :
Subscribe to Timorpost
