(Reportajen Suzana Cardoso/Josè Caet)
DILI (Timor Pos) – Prosesu kontajen votasaun eleisaun prezidensiál ba períodu tinan 2022 – 2027 hosi STAE remata ona iha oras tuku 21:20 OTL. No otomatikamente hosi RTTP,EP moos taka ona tranzmisaun direta kontajen nian.
Hosi rezultadu final eleisaun prezidensiál 2022 ne’ebé fó sai husi STAE katak, bazeia ba taxa partisipasaun hamutuk 301.481 ho númeru porsentu, 46.58%. Maka kandidatura númeru soreteiu 14, José Ramos Horta ho total votante 301.481 no númeru porsentu 46.85%. No kandidatu ho númeru sorteiu 6, Francisco Guterres Lú Olo ho total votante 143.408 no númeru porsentu 22.16%.
Lee Notisia Relevante: Alkatiri Dere Odamatan Dala Rua, Lere La Fo Oin Atu Hasoru
Hosi rezultadu ne’e mostra diferensa ne’ebé markante tebes entre kandidatu rua ne’e. Hosi rezultadu ne’e, manan na’in ho votu rihun 300-resin maka diferente dook. Nune’e bazeia ba Konstituisaun RDTL.
Artigu 76
(Eleisaun)
- Atu sai Prezidente-Repúblika, sei hili tuir sufrájiu universál, livre, diretu, sekretu no ida-idak.
- Eleisaun Prezidente-Repúblika nian banati tuir sistema manán ho votu barakliu husi votu hotu-hotu ne’ebé válidu, la sura votu ne’ebé la válidu.
- Wainhira kandidatu sira hetan votu hanesan, sei hala’o fali eleisaun dala ida tan, liutiha loron tolunulu husi loron votasaun ida foin liubá kotuk.
- Iha votasaun darua, kandidatu na’in rua ne’ebé hetan liu votu no la hasai sira-nia kandidatura mak bele tuir.
Ba Jornalista Diretór Jerál STAE, naran Acelino Manuel Branco hateten, servisu STAE ninian remata to’o ohin kalan. Hosi STAE laiha kompeténsia atu foti desizaun kona bá manan na’in. Maibé depende ba Tribunal Rekursu.
“Tribunal Rekursu maka sei anunsia rezultadu entre iha Loron 31 Marsu 2022 ka Loron 1 Abríl 2022. Katak sei hein tan loron Ualu. Maibé aban CNE sei halo aparamentu nasionál durante loron tolu, depois maka entrega ba tribunal rekursu atu fó sai rezultadu apuramentu final,” esplika Acelino.
Lee Notisia Relevante: Nu’udar Alin Taur Ba Hasoru Nia Maun Lere Maibe La Simu Alkatiri
Iha parte seluk tuir rezultadu ne’ebé fó sai Kandidatu Prezidente Repúblika ho númeru sorteiu 8, Lere Anan Timor sai sentru ba Kandidatu ho númeru sorteiu 6, Francisco Guterres Lu Olo hodi hakat ba segunda ronda.
Maibé tuir Lere hafoin remata soru mutu ho nia alin atuál Primeiru Ministru, Taur Matan Ruak hodi hatán Jornalista kona bá sei apoiu fali ba see iha segunda ronda, hateten Lere, nia seidauk bele fó komentáriu tanba agora sei kolen.
“Kona-ba ida ne’e ha’u seidauk deside no atu fó komentáriu uluk maibé depois ha’u sei fó sai. Agora ha’u sei kolen. Tanba durante ne’e ha’u la’o mesak hela,” Lere subliña.(Lee Notísia Seluk Iha Jornál Timor Post/Asesu You Tube Timor Post)
980 total views, 3 views today
Bele hare Video Seluk :
Subscribe to Timorpost
