(Reportajen Jaime Pires/Editor Mateus da Cruz)
Dili (Timor Post)- Líder Nasionál, Kay Rala Xanana Gusmão, hatete, nia marka prezensa iha Ministériu Públiku tanba sai sasin ba kazu ida.
“Ha’u nu’udar sidadaun kumpre obrigasaun mai responde ba samamentu husi Ministeriu Públiku no prokurador,” nia haktuir bá jornalista sira antes sai hosi Edifisíu Ministeriu Públiku, Kolmera segunda (21/03).
Lider karismatiku ne’e dehan, kazu ne’e ema hotu hatene inklui mídia sira mós hatene, maibé tanba segredu justisa, entaun nia labele fó sai informasaun nee.
“Maibé ema hotu hatene imi mós hatene liu ha’u, ne’ebé buat sira hanesan ne’e segredu Justisa ha’u labele fó sai, maibé dala ida katak ha’u mai sai hanesan sasin ba kazu ida,” dehan Nia.
Lider nasionál ne’e presta deklarasaun iha ministériu públiku kuaze minutu 30.
Enkuantu tuir ajenda ne’ebé mak Timor hetan katak, Líder Nasionál ne’e mai iha edifisiu Ministeriu Públiku hodi hatan kona-ba kazu Korupsaun ida maibé la esplika klaru iha ajenda refere.
697 total views, 6 views today
