ADVERTISEMENT

Kandidatu Lú Olo Fiar Metin Akontese Eleisaun Segundu Volta

Mateus da Cruz - Dili · Nasionál
  • Share
Kandidatu Prezidente Republika ho numeru sorteiu 6, Francisco Guterres Lu Olo, ko'alia hela ba nia militante no simpatizante sira iha ambitu kampana eleisaun prezidensial, imajen Esp

(Reportajen Jose Caet/Editor Mateus da Cruz)

DILI—Ekipa susesu kandidatu Prezidente Repúblika, Francisco Guterres Lú Olo, fiar metin katak sei akontese eleisaun segundu volta tanba to’o agora daudaun rezultadu kontajen votu laiha mudansa signifikante..

ADVERTISEMENT
SCROLL FILA BA NOTISIA

Reprezentante ekipa susesu hosi kandidatu Lú Olo, Fernando dias Gusmão, hatete, provizoriamente kontajen foin to’o porsentu 40 kandidatu númeru sorteiu neen, okupa segundu lugar ne’ebé mak hetan to’o porsentu 25 votu ekivale ho 53 mill resin votu.

Tuir nia, sei falta porsentu 60 mak seidauk konta, entaun susar atu bele foti konkluzaun.

“Rezultadu kontajen kontinua hanesan nune’e beibeik, ami fiar metin katak segundu volta sei akontese,” Fernando informa ba Timor Post iha otél Luz Clarita, Domingu (20/03).

Lee Mós:
PD Simu Ona Proposta ba Formasaun Governu Foun

Ekipa susesu fiar katak hakat ba roda daruak, kandidatu númeru sorteiu neen, Francisco Guterres ‘Lú Olo’, sei prienxe prosesu eleisaun prezidensiál períodu 2022-2027.

Fretilín garantia sei akontese eleisaun prezidensiál segunda rounde, tanba kontinua hamutuk ho aliadu partidu Kmanek Haburas Unidade Nasionál Timor Oan (KHUNTO) no Partidu Libertasaun Popular (PLP).

Forsa hosi partidu aliadu konsentra hamutuk hotu, atu bele fó apoiu tomak ba kandidatu númeru sorteiu neen. Agora daudauk aliansa natural hetan votu maka’as.

“Ita hotu hatene kandidata senora Armanda Berta dos Santos, terseiru lugar, jenerál Lere Anan Timur kintu lugar, tanba militante hosi Fretilín barak mak apoiu, portantu sira fila fali hotu bele sai forsa boot ida atu bele lori vitória ba kandidatu Lú Olo”, nia hatete.

Lee Mós:
Arão Rejeita Pedidu Destituisaun no Hein Desizaun Lú Olo Disolve PN

Fernando ninia esperansa sei sai realidade, tanba agora daudauk aliadu hosi partidu polítiku tolu kontinua apoiu malu iha oitavu governu konstitusionál.

Agora daudauk lideransa partidu tolu, mantein komunika ba malu makaas loos, hodi hakat ba eleisaun prezidensiál ronda daruak, falta anunsia ofisial hosi órgaun eleitorál rua ne’e.

Kuandu Komisaun Nasionál ba Eleisaun (CNE) no Sekretariadu Tékniku Administrasaun Eleitorál (STAE), anunsia ofisialmente hodi hakat ba ronda daruak, naturalmente aliadu hosi partidu tolu hamutuk lori vitória ba kandidatu númeru sorteiu neen.

Lee Mós:
PM Taur Lansa Fatuk Dahuluk Konstrusaun Postu UPF Mota Ain

Enkuantu karik la konsege akontese segundu rounde, nia dehan, bainhira povu mak determina hodi labele hakat, prontu respeita desizaun povu nian.

Ekipa susesu rekomenda ba povu tomak atu mantein pas no estabilidade, tanba votasaun la’o ho di’ak no laiha problema. Kuandu anunsia ona rezultadu final hothotu hakmatek iha fatin.

 320 total views,  6 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Kandidatu Lú Olo Fiar Metin Akontese Eleisaun S…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: