(Reportajen Florindo Coluna/Editor Mateus da Cruz)
DILI—Hafoin Ekipa Responsavel Sentru Votasaun Paralelu iha Eskola STM-Bekora remata kontajen iha oras tuku 20:00 kalan nee, rezultadu hatudu Kandidatu Francisco Guterres Lu olo manan ho votu 408, Kandidatu Jose Ramos Horta ho votu 352 no Kandidatu Lere Anan Timur hetan votu 267.
Enkuantu Kandidatu sira seluk hanesan Mariano Assanami Sabino ho votu 90, kandidata Armanda Berta ho votu 69, kandidata Milena Pires ho votu 32, Kandidatu Martinho Gusmao ho votu 13, Kandidatu Hermes Correia Barros votu 8, Kandidatu Anacleto Bento Ferreira votu 5.
Tuir fali, Kandidatu Antero Benedito da Silva votu 4, kandidata Isabel Ferreira votu 3, Kandidata Maria Angela Freitas votu 2 no Kandidatu Virgilio Guterres ho votu 2.
Total votante iha Sentru Votasaun Paralelu Eskola STM Bekora hamutuk 1.263 komposta hosi Mane 503, feto 760.
Entretantu total buletin iha Sentru votasaun Paralelu STM Bekora hamutuk 1.501, total buletin ne’ebe la utiliza iha Sentru votasaun hamutuk 138.
Tuir observasaun Timor Post iha Sentru Votasaun Paralelu iha eskola STM Bekora, partisipa iha kontajen ne’e aleinde brigadista, iha Poling staff, observador nasional no internasional, fiskais partidu, mídia, no parte membru PNTL sira.
963 total views, 3 views today
Bele hare Video Seluk :