(Reportajen Mario da Costa/Editor Isabel Ermelita)
LIKISÁ-Populasaun sira iha suku Loidahar, postu administrativu Likisa, munisipiu Likisa, antiziasmu hodi tuir votasaun iha sentru votasaun, hodi hili figura ne’ebé bele lori povu no nasaun ne’e ba futuru ne’ebe diak.
Tuir obsevasaun Timor Post, iha baze nota katak iha oras tuku 7:30, ferik-katuas, inan- isin rua, inan ho bebé, ema ho defisiensia, inklui joven sira forma ona liña, iha sentru votasaun hodi ezerse sira nia direitu.
Portantu, iha sentru votasaun ofisiál eleitorál hosi Sekretariadu Tékniku Administrasaun Eleitorál (STAE),
Komisaun Nasionál ba Elisaun (CNE) no fiskais hosi kandidatu prezidenste na’in-16 nian, halo kontrolu hodi eleitór sira bele forma tuir liña, no distribui mós maskára ba votante sira, hodi nafatin kumpre regra saúde nian, bainhira atu ba vota.
Alende ne’e, iha sentru votasaun ne’e mós, brigada sira fó prioridade ba ferik-katus, inan- isin rua, inan ho bebé, inklui ema ho defisiensia sira, atu bele ezerse uluk sira nia direitu votu.
Entretantu, iha sentru votasaun ne’e, Polisia Nasional Timor-Leste (PNTL) Komando munisípiu Likisa nian, no hetan mós observasaun husi nasionál.
916 total views, 3 views today
