ADVERTISEMENT

Naran Laiha, Eleitór Barak Fila Uma

Timor Post - Dili
  • Share
Eleitor hakat ba sentru votasaun paralelu iha edifisiu INAP Comoro. (Foto Timor Post Orlando Oqui)

(Repotájen Orlando Oqui/Editor Agostu Sarmento)

 

ADVERTISEMENT
SCROLL FILA BA NOTISIA


DILI (Timor Post) – Votante sira ne’ebé mak atu vota iha Sentru Paralelu Komoro-INAP barak mak la konsege fó sira ninia votu.

Lee Notisia Relevante: Horta Vota ona iha Metiaut No Deklara Prontu Simu Rezultadu

Observadór Nasionál ba Eleisaun Prezidensiál, Jose da Silva “Labaruk”, hatete votante sira iha sentru Paralelu Komoro nian barak mak fila ona tanba sira nia naran laiha.

“Tuir ha’u nia observasaun iha sentru Paralelu sira ema barak mak la vota no fila ona, ha’u foin mai iha INAP nian kuaze hanesan ho sentru Paralelu sira seluk”, Jose da Silva Labaruk haktuir ba Timoe Post iha sentru Paralelu Komoro-INAP, Sábadu (19/03).

Lee Mós :
Osan Ba Eleisaun parlamentár Millaun 6 USD Transferidu

Lee notísia Relevante: Lú Olo: “Vota Hametin Estadu Direitu Demokrátiku”

Tuir nia, preparasaun hosi STAE ne’ebé fó ba sidadaun sira atu rejistu ne’e tempu limitadu liu, nune’e halo votante barak mak sei la vota tanba naran iha lista laiha no sira (STAE-red) la fasilita ho mekanizmu seluk atu nune’e votante sira ezerse sira ninia diretu.

“Votante sira mai, ita haree hosi aspeitu transporte ne’e mos bele afeta ema la vota. Ezemplu Mikrolete la halai ne’e oinsa inan feto isin rua no sira ne’ebé ho oan nurak bele mai vota, ne’e problema”, nia hatutan.

Lee Mós :
FRETILIN Fiar Sei Manan Iha Dili

“Sentru Paralelu sira ita la garante transparénsia de votu ne’e ita la hetan, tanba númeru ne’ebé boot entaun ema mai atu vota maibé naran iha lista laiha ne’e problema boot ida”, Jose lamenta.

Lee Notísia Relevante: Milena Pires Hatudu Simplisidade iha sentru Votasaun

Nia observa katak, tuir loloos kaixa ne’e labele tau iha laran maibé tenke tau iha liur deit nune’e bele iha transparénsia.

“Ita hakarak ema ba vota duni, tanba ita ta’uk ema ba vota depois la tau iha kabina de votu maibé tau fali iha bolsu ne’e mak bai-bain mosu abandonadu no nulu barak ne’e”, nia hateten.

Nia hatete, hanesan observadór kuandu haree lakunas sira hanesan ne’e tenke kontaktu ba iha STAE para oinsa atu bele kontaktu fila fali ba POLISTAF no Brigada sira iha sentru votasaun nune’e bele hadi’a mekanizmu sira ne’e.

Lee Mós :
Ministru Edukasaun Rekoñese Problema Boot

“Ami sei hato’o ami nia relatóriu, tanba ita haree eleisaun prezidensiál iha tinan ida ne’e votante sira balun malandru nafatin. Hanesan ha’u haree iha sentru votasaun Bairru Pite ne’e votante balun latuir regras maibe loloos labele liuliu propaganda eleitorál”, nia kestiona. (Lee notísia seluk iha Joral Timor Post/Asesu You Tube)

 1,175 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Naran Laiha, Eleitór Barak Fila Uma” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No