(Repotajen José Caet/Editora Suzana Cardoso)
DILI (Timor Post) – Sekretariu Jerál Partidu Fretilín Mari Bin Amude Alkatiri, hatete Kandidatu Francisco Guterres ‘Lú Olo’, manan tiha ona.
“Laiha liafuan karik nia (Lú Olo-Red) manan tiha ona. Hau simu lakon dala hira tiha ona, agora kandidatu númeru sorteiu neen (6) manan tiha ona,” informa Alkatiri ba jornalista hafoin remata vota iha Sentru Votasaun Eskola Bazika Filial Farol, Suku Motael, Postu Administrativu Na’in Feto Munisipiu Dili, Sábadu (19/03).
Lee Notísia Relevante: Lú Olo: “Vota Hametin Estadu Direitu Demokrátiku”
Eis Primeiru Ministru ne’e hateten, ema balun la hatene katak sei hakat ba segunda ronda. Maibé atu hatene katak re-kandidatu manan sei manan iha primeiru ronda.
Alkatiri kompromete, militante no simpatizante partidu Fretilín sempre garantia pas no estabilidade. Tanba ne’e, husu ba militante no simpatizante sira seluk atu kria pas no estabilidade ho labele provoka malu.
Lee Notisia Relevante: Horta Vota ona iha Metiaut No Deklara Prontu Simu Rezultadu
Tuir observasaun Timor Post katak, iha dadersan nakukun deit eleitor ida-idak nadodon mai forma hodi hakat ba vota iha sentru votasaun ne’ebé lider Fretilin na’in rua ne’e vota ba.
Sentru votasaun Eskola Bazika Filial Farol, Suku Motael, Postu Administrativu Na’in Feto Munisipiu Dili ne’e utiliza sala eskola haat, nu’udar estasaun votu ne’ebé la atrapalla eleitor hodi hein kleur wainhira atu hakat ba kabina votus nian.
Aliende ne’e Polisia Nasionál Timor-Leste (PNTL), mantein asegura segutansa no ambiente hakmatek iha Sentru Votasaun Eskola Bazika Filial Farol ne’e hodi lao hakmatek.
Lee Notísia Rekevante: Votasaun iha SV Balibó Villa, Brigada fó Uluk Prioridade ba Inan Isin Rua, Ema ho Defisiénsia no Idozu
Prezidente Partidu Fretilin Francisco Guterres Lú Olo ne’ebé rekandidatura akompaña hosi nia Espoza Cidalia Nobre Mauzinho Lopes, Sekretariu Jeral Partidu Fretilin Mari Bin Amude Alkatiri no Prezidente Parlamentu Nasional Aniceto Longuinhos Guterres Lopes to’o iha Sentru Votasaun Eskola Bazika Filial Farol maizu menus tuku 08:06 OTL.(Lee notísia seluk iha Joral Timor Post/Asesu You Tube)
801 total views, 6 views today
Bele hare Video Seluk :
Subscribe to Timorpost
