(Reportajen Estaziádu Mariano Abi/Editor Mateus da Cruz)
Dili (Timor Post) – Presidente Comisaun Nasional Eleisaun (CNE-Sigla Portugues), Jose Belo, husu ba povu tomak atu aban ne’e hakbesik an ba iha sentru votasaun iha ida-idak nia Suku hodi tuir votasaun, hili kandidatu prezidente repúblika tuir ida-idak ninian konxiénsia.
“Husu ba populasaun tomak, no eleitor tomak, atu aban iha tuku 7:00 dader hakbesik aan ba sentru votasaun utiliza tempu ho di’ak, tempu ne’ebe mak osan mean hodi tuir vota hodi hili Kandidatu Presidente Republika na’in 16 atu dedisi nasaun Timor-leste nia futuru,”nia dehan liu husi konferensia Imprensa iha salaun CNE, Larigutu, Kolmera, sesta (18/03).
Nia hatete, ba populasaun iha Timor laran tomak no mos iha rai li’ur atu Labele fiar rumoris sira ne’ebe espalha iha media sosial, tanba ne’e fiar de’it mak iha Instituisaun eleitoral hanesan STAE no CNE no Polisia sira no orgaun ne’ebe mak organiza Eleisaun ne’e no garante katak Eleisaun sei la’o ho di’ak.
“Labele fiar rumoris sira ne’ebe mak mosu dehan katak, Loron aban ema ka Grupo sei halo Impedimentu, rumoris ne’e lalaos ida, fiar ba Seguransa no orgaun eleitoral, nune’e husu populasaun sira hakmatek hodi ba tuir vota”, nia relata.
Karik mosu ameasa ruma kona-ba situasaun Loron aban nian maka parte seguransa sei hola medida tuir lei eleitorál, katak sei kondena ho tinan tolu(3) ba kastigu.
“Tanba ne’e hau husu ba ita hotu, atu nafatin mantein posizaun hodi hatudu ita nia matoridade no Responsabilidade iha Loron Votasaun ne’e , tanba ita hotu hakarak halo Timor sai nasaun ne’ebe morin iha rai li’ur no Ita hotu hakarak atu disidi futuru nasaun ne’e nia ho susesu,” nia hakotu. (Lee Notísia Seluk Iha Jornál Timor Post/Asesu YouTube Timor Post)
880 total views, 3 views today
Bele hare Video Seluk :