ADVERTISEMENT

Komunidade Nadodon Ba Munisípiu Hodi Tuir Votasaun

Timor Post - Dili
  • Share
Bus – Komunidade sira hein hela karreta atu para sa’e ba munisípiu parte Leste nian iha terminal Bekora hodi ba tuir eleisaun Prezidensial tinan 2022 nian. (Foto Timor Post/Jaime Pires)

(Reportájen Jaime Pires/Editor Mateus da Cruz)

DILI  (Timor Post) – Relasiona ho eleisaun prezidensiál ne’ebé sei realiza loron  Sábadu, (19/03/202), komunidade sira hahú nadodon ona hosi Kapitál Dili ba munisípiu sira, inklui RAEOA hodi tuir tuir votasaun iha ida-ida ninia munisípiu.

ADVERTISEMENT
SCROLL FILA BA NOTISIA


Hein – Komunidade sira hein dezde madrugada, balun ba ona munisípiu no balun seluk seidauk hetan karreta. Sira nafatin hein iha terminal Becora hodi karreta balun liu bele tula sira ba Baucau, Lospalos, Viqueque no Manatuto hodi tuir eleisaun prezidensiál 2022. (Foto Timor Post/Jaime Pires)

Tuir observasaun  Timor Post, iha Terminal Bekora sidadaun sira barak kontinua hein Bus hodi ba Munisípiu, nune’e mós balun ho karreta privadu inklui mós ho motor.

Iha Terminal Bekora, sidadaun sira ne’ebé mak arranka ba Munisípiu hodi tuir votasaun ne’e, maioria joven feto ho mane, no mós estudante sira.

Lee Mós :
HNGV Krize, Pasiente Nia Vida Ameasadu

Enkuantu Bus kuaze sanulu resin mak sai ona iha dadeer ne’e, nakonu ho pasajeiru, inklui balun tuur fatin laiha, tabele de’it odamatan no tuir iha leten de’it, tanba hakarak to’o duni iha nia Munisípiu hodi tuir votasaun.

Iha observasaun mós, sidadaun sira balun ho karreta privadu hanesan Truck, kuaze sanulu resin ona mak arranka ona ba parte Lorosa’e nian, maibé iha Truck leten balun dada bandeira partidu FRETILIN hodi viajen ba sira nia moris fatin.

Lee Mós :
KM Autoriza Tenderizasaun Internasionál ba Projetu Estrada Laga-Baguia

Sidadaun sira ne’ebé mak hein Bus iha Terminal Bekora ne’e, atu arranka ba Munisípiu sira hanesan, Manatutu, Baukau, Vikeke no Lautein, maibé maioria husi Munisípiu Baukau.

Kapong – Tanba passaseiru barak demais, nune’e balun tuur iha kapong leten no balun seluk foin maka mai ho taxi hodi kontinua hein iha Terminal Becora ba transporte públiku tuir mai. (Foto Timor Post/Jaime Pires)

Balun mós mai hein Bus dezde dadeer to’o agora seidauk ba tanba karreta arraska sira hadau malu hafoin bele sa’e, maibé sira kontinua hein karreta seluk hodi hakarak ba ezerse duni sira nia votu ba kandidatu Prezidente Repúblika entre na’in (16) ne’e ida hanesan sidadaun Timoroan.

Lee Mós :
La Konsege Sobu, Governu Hasai De'it Sedimentasaun iha Mota Bekusi

La’ós de’it, iha Terminal Bekora, maibé hanesan mós Terminal sira seluk hanesan, Taibesi, Tasi-Tolu mós nakonu ho sidadaun sira husi parte Loromonu no Rai-Klaran nian hodi bá tuir votasaun. (Lee notísia seluk iha jornál Timor Post/asesu YouTube Timor Post)

 961 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Komunidade Nadodon Ba Munisípiu Hodi Tuir Votasaun” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No