(Reportajen Cardenio Alves/Editor Mateus da Cruz)
DILI (Timor Post)- Tane Konsumidór husu ba Autoridade Nasionál Komunikasaun (ANC), presiza toma atensaun ba operadór telekomunikasaun iha Timor Leste hanesan Timor-Telecom (TT), Telekomcel no Telemor, tenke hadi’a rede internet.
Tane Konsumidor hato’o kestaun ne’e relasiona ho debate puliku entre kandidatura prezidente repúblika iha Novu Turismu, horikalan, mosu failansu barak tanba internet.
“Tane Konsumidór husu ANC husu atensaun ba operadór telekomunikasaun sira iha Timor-leste atu hadi’a servisu rede internet iha rai-laran”, dehan prezidente Tane Konsumidór, Antonio Ramos Silva, ba jornalista sira iha kampus IOB fomentu II, Dili kuarta (16/03).
Nia dehan, prestasaun servisu ba komunikasaun ne’e importante tebes, tanba lei ne’ebé próteze ona, ne’e duni situasaun hanesan horikalan tenke servisu hamutuk ho operadór sira tenke uza satélite.
Antonio hatete, populasaun hotu hakarak akompaña debate kandidatu sira, informasaun husi kandidatu sira, ne’e direitu povu atu hatene informasaun. Debate entre kandidatu prezidente repúblika ne’e importante tebes ba nasaun tanba ko’alia kona-ba ema ne’ebé númeru dahuluk iha K-RDTL nian.
TANE mós husu ba governu tenke iha vontade atu dada fiber outkicks, labele vontade polítika de’it, maibé tenke implementa hodi tulun setór telekomunikasaun sira liuliu velosidade internet nian.
Operadór tolu ne’ebé hala’o servisu iha TL liuliu kona-ba rede internet nian hotu tenke uza satélite, tanba satélite depende ba kondisaun klimátika..(Lee Notisia seluk iha Jornal Timor Post/ Asesu You Tube Timor Post)
588 total views, 3 views today
