(Reportajen Estaziadu Mariano Abi/asistente editor Hermenegildo da Costa Tilman)
Dili (Timor Post)-Diretór Ezekutivu Asosiasaun HAK, Sisto do Santos liu hosi konferénsia imprensa husu ba kandidatu sira atu hatudu étika ne’ebé di’ak ba iha komunidade sira bainhira hala’o kampaña no la’ós hatudu fali sira nia espresaun deskontentamentu hodi halo situasaun sai kompleksu liu.
“HAK observa katak, durante kampaña, kandidatu sira la foku hodi konsentra ba preokupasaun krusiál ne’ebe mak sai fukun ba povu nia moris, hahú husi inisia kampaña nian iha loron 02 de Marsu tesik mai to’o iha loron 14 de Marsu panorama atuál palku kampaña la saudavel tuir ámbitu demokrasia no nakfilak sai Palku de Insultus,”dehan Diretór Asosiasaun HAK ba jornalista sira liu hosi konferénsia imprensa iha Faról, tersa (15/03).
Problema sosiálezistedezde uluk kedas, ne’ebé kleur ona povu halerik hela oinsá atu moris ne’e bele saudavel. Povu hein hela atu iha mudansa ida ba sira nia moris ho eleisaun ida mai ne’e,
Impase polítika iha tinan naruk nia laran halo situasaun ekonomia rai laran la’o la estavel, no estadu la implementa polítika sira tuir planu estratéjikunasaun nian oinsá atu bele hakonu direitu sidadaun sira nian, ne’ebé konsagra ona iha ita nia lei inan KRDTL no Lei Internasionál sira.
“HAK preokupa ho espresaun no movimentu sira husi maioria kandidatu sira, durante kampaña la konforma ho kompromisu deklarasaun paktu Eleisaun hodi promove direitu umanu no haburas demokrasia, nune’e mós hodi hametin pás, estabilidade no unidade nasionál ba dezenvolvimentu nasaun nian,”.nia dehan
Nia preokupa se situasaun hanesan ne’e karik lori to’o iha rezultadu final eleisaun nian, ema la simu ho dame maka povu kiik maka sei sai vítima liu-liu grupu vulneravel sira hanesan feto ho labarik sira.(Lee Notísia seluk iha Jornál Timor Post/ Asesu You Tube Timor Post)
312 total views, 3 views today
