ADVERTISEMENT

Aban, Kampaña Ikus Horta Iha Dili, Calbuadi Husu Militante Evita Violénsia

Mateus da Cruz - Dili
  • Share
Sekretáriu Jerál Partidu Congressu Nasionál Rekonstrusaun Timorense, Francisco Calbuadi Lay, halo konferensia imprensa iha Sede Partidu CNRT, Bairru Dos Grilhos, segunda (14/03). Foto TP/ Jaime Pires

(Reportajen Jaime Pires/Editor Mateus da Cruz)

Dili (Timor Post) – Sekretáriu Jerál Partidu Congressu Nasionál Rekonstrusaun Timorense (CNRT), Francisco Kalbuady, informa, aban kandidatu Prezidente Republika Jose Ramos Horta ne’ebe kandidata hosi partidu CNRT hala’o ninia kampaña ba dala ikus iha Dili, nune’e nia husu ba militante no simpatizante sira hadook an hosi provokasaun hodi evita violénsia.

ADVERTISEMENT
SCROLL FILA BA NOTISIA


“Ami organiza kuaze semana ida hamutuk ami mobiliza husi tuku sanulu ami hotu konsentra iha tasi tolu, no hahú husi tuku sanulu ho balun maun boot Kay Rala Xanana Gusmão sei to’o iha ne’ebá hodi hahú ona kampaña,” nia dehan liuhusi Konferénsia Imprensa ne’ebé halo iha Sede CNRT, Bairru dos Grilhos, Segunda (14/03).

Lee Mós :
AIFAESA.IP Husu Komunidade Provizoriamente Labele Sosa Foos Marka Manu Vitória

Nia mós husu ba estrutura partidu CNRT tomak iha Munisípiu Dili hamutuk hahú ohin deside hamutuk ho halo preparasaun ba kampaña ikus loron aban nian.

“Husu ba estrutura partidu CNRT nian husi postu administrativu hotu iha munisípiu Dili nian organiza militante sira hotu atu mai partisipa iha kampaña ba kandidatu Prezidente Repúblika husi partidu CNRT José Ramos Horta nian ba dala Ikus,” nia dehan.

Lee Mós :
MAPKOMS Informa Rezultadu Enkontru Iha Vietname ba PM Taur

Kalbuadi mós apela simpatizante partidu CNRT labele halo violénsia iha Dili no tenke la’o ho dixiplina respeitu lei no orden hodi evita problema ka provokasaun no sees an husi violénsia no tenke hadomi malu no hadomi mós ema hotu-hotu.

Lee Mós :
Prezidente G7+ To’o Ona TL Ho Aviaun Citilink  

Militante sira tenke respeitu mós sinais Tránzitu sira ne’ebé iha estrada públiku, tenke hadomi malu no mós hadomi ema seluk no evita provoka malu no halo violénsia.

“Ita hatene tinan-tinan Dili ne’e CNRT nia baze ka CNRT mak Dili, Dili mak CNRT, tanba iha tinan 2017 militantes liu rihun (60) resin, agora bele barak aumenta liután iha tinan lima ba kotuk,” hakotu.

 685 total views,  3 views today


Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No