(Reportájen Jaime Pires/Editora Suzana Cardoso)
DILI (Timor Post) – Atu Timor-oan iha rai liur bele kanaliza sira nia direitu humanu nu’udar sidadaun no direitu konstitusional hodi manifesta ideias demokrasia soberania popular nian, maka Sekretariu Tekniku Administrasun Eleitoral (STAE) iha semana oin sei dezloka voletim votus ba nasaun lima.
“Segunda-feira (14/03/2022), ita sei haruka voletim votus ba rai li’ur. Ba nasaun lima. Tanba sei halo mós eleisaun ba sidadaun sira iha rai li’ur,” hateten Diretor Jerál Sekretáriu Tekniku Administrasaun Eleitoral (STAE), Acilino Manuel Branco ba Jornalista bainhira remata distribui voletim votus ba munisipiu, Sesta, (11/03/2022).
Nia esplika liutan, voletim votus ne’e sei dezloka ba Nasaun; Reino Unido ho total sentru votasaun fatin tolu. Tanba aliende total eleitor barak liu, hamutuk na’in 2.229 kompara ho nasaun haat seluk. Sentru votasaun tolu ne’e inklui ho Timoroan hirak ne’ebé hela iha Irlandia do Norte ho total eleitór na’in 1,264 maibé nia sentru hamutuk deit ho Nasaun Reino Unido.
Nasaun Australia moos hanesan, hamutuk sentru votasaun tolu, hosi total eleitór na’in 1.487. Iha posisaun barak datoluk maka Nasaun Correia do Sul hamutuk eleitór na’in 1.277, ho total sentru votasaun ida. No Timor-oan iha Portugal maka it’oan liu ho total eleitór na’in 856 maibé sentru votasaun fatin rua, tanba hela dook malu.
Nune’e, hamutuk eleitór na’in 7.113, sei tuir eleisaun prezidensial ba periodu 2022 – 2027 hodi hili kandidatura na’in 16. Hosi Timor-oan iha nasaun lima ne’e, sei vota iha sentru votasaun hamutuk fatin sia.
Lee Notisia Relevante: Eleitór 859.613 Prontu Tuir Eleisaun Prezidensial Tinan 2022
Karak Acilino, sidadaun Timor-oan iha rai liur nia direitu votu sei garante. Nune’e preparasaun voletim votus halo ho maximu, hanesan moos iha rai laran hodi dezloka hotu ona voletim votus ba munisipiu 12 no RAEOA.
“Voletim votus ba nasaun lima nian ne’e sei entrega direita ba diplomata idak-idak nia liman hosi nasaun lima ne’e hodi sira asegura no iha responsabilidade tomak to’o eleisaun remata, asegura to’o fali mai iha Timor-Leste,” deklara Acilino.(Lee Notísia seluk iha Jornál Timor Post/Asesu You Tube Timor Post)
919 total views, 3 views today
Bele hare Video Seluk :