ADVERTISEMENT

Polisia Identifika JG no PC Maka Autór Prinsipál Organiza Planu Ataka Ema

Mateus da Cruz - Dili
  • Share
Suspeitu na'in 13 ne'ebe Polsiia kaptura iha Aldeia Anin Fuik, Suku Madohi, kuarta (8/3) kalan, Foto TP/Jaime Pires

(Reportajen Jaime Pires/editor Mateus da Cruz)

Dili (Timor Post)—Liu hosi prosesu identifikasaun ba suspeitu na’in 13 ne’ebé polisia kaptura iha Aldeia Anin Fuik, Suku Madohi, tersa kalan, konsege identifika JG no PC maka sai autór prinsipál hodi organiza nia maluk seluk hodi halo planu ataka ema.

ADVERTISEMENT
SCROLL FILA BA NOTISIA


Komandante PNTL Munisípiu Dili, Superintendente Xefe, Henrique da Costa, informa, polisia hosi Unidade Espesial Polísia no Servisu Informasaun Polísia (SIP) halo kapturasaun hafoin informasaun hosi polisia intejen sira katak iha grupu organizadu balun maka planu hela atu asalta ema.

“Entaun ita simu informasaun ne’e ita orientá kedas ba iha patrolia ne’ebá, iha ne’ebá sira toka ema barullu iha armajen ida nia laran, entaun tun observa hare ema na’in-13 mak iha laran sira lori sasán kro’at sikat iha kanotak no balun kaer iha liman atu halo asaun ruma,” esplika Nia.

Lee Mós :
Ramos Horta Vizita Saudozu Nicolau Lobato Nia Moris Fatin

Sasán kroat sira ne’ebé lori mak hanesan, Katana Maubeka haat, Katana Xina Nian ida, Samurai ida, Fiska Borraxa lima, Berlindus 280, Fatuk uza ba Fiska 250, Rolamentus 20, Besi-Kanu badak ida.

Hafoin kaptura, suspeitu sira ne’e no sasán evidénsia ne’ebe polisia prende lori kedas ba iha eskuadra Dom Aleixo hodi halo identifikasaun.

Lee Mós :
Atleta Hosi Federasaun Natasaun Kontinua Treinu

“Depois halo identifikasaun ita husik fali na’in tolu tanba rezultadu identifikasaun la hatudu sira na’in tolu mós involve hotu iha laran, entaun hela na’in-10 mak sei halo prosesu Kontinuasaun,” nia dehan.

Hosi na’in 10 ne’e, polisia mós konsege identifika iha suspeitu na’in rua maka sai autór prinsipál hodi organiza planu asalta ema.

“Suspeitu na’in-rua ho naran inisiál JG, no PC mak organiza nia kolega na’in 8 seluk, hodi prepara sasán kro’at, ho objetivu atu hasoru suspeitu, ou grupu seluk balu, hosi parte arte marsiais seluk, ne’ebé mak tuda no estraga uluk sira nia uma, iha dia 07 de marsu 2022,”hatutan.

Lee Mós :
MAE Lansa Avaliasaun Kapasidade no Rekursu Munisipál

Suspeitu na’in 10 ne’e, komete krime iha artigu 211, kona-bá Arma Proibidu, no konjuga ho lei númeru 05/2017, rejime jurídiku relativu ho prátika de Arte Marsiais, rituais, Arma Branka, no Rama Ambong.

Daudaun ne’e suspeitu na’in 10 detein iha Sela Detensaun Munisípiu Dili ninian, ho númeru prosesu, Númeru Úniku Krime, 0124/2022, DICML, hodi hein prosesu primeiru interogatóriu ba iha tribunál. (Lee notisia seluk iha jornal Timor Post/asesu youtube Timor Post)

 791 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Polisia Identifika JG no PC Maka Autór Prinsipá…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No